Sala la wolo dia munanda otema

Tokedi 3:1

LO TSHENA PE: Kimanyiya ampokami ayɛ dia vɔ nshihodia nɛmɔ dia kɛnɛ kekawɔ ndo dia vɔ nkamba la tɔ.

WOHO WA NSALA DUI SƆ:

• Kimanyiya ampokami dia vɔ ndjasɛdingola. Oka ambola wahone di’ampokami nkadimola dia vɔ nsɛdingola eyango wele la wɔ.

• Tshutshuyawɔ dia vɔ monga l’eyango w’amɛna. Keketsha ampokami ayɛ dia vɔ nsɛdingola lande na kasalawɔ awui w’amɛna. Kimanyiyawɔ dia vɔ salaka awui l’eyango woleki amɛna, mbuta ate l’ɔtɛ wa ngandji kokawɔ Jehowa, kokawɔ asekawɔ anto ndo l’ɔtɛ wa ngandji kokawɔ wetshelo wa lo Bible. Kimanyiya ampokami ayɛ dia vɔ mɛna lomba lele lo kɛnɛ kata Bible; towaɔnyɔlake. Lo dihole dia mbasha nsɔnyi kana mbowaɛndja onongo, kimanyiyawɔ dia vɔ ndjaoka dia wambokeketshama l’ekomelo ka sawo diayɛ ndo wambotshutshuyama dia nsala kɛnɛ koleki dimɛna.

• Kotola yambalo yawɔ otsha le Jehowa. Dja dikako vɔlɛ lo woho wakɛnɛmɔla wetshelo wa lo Bible, atɔndɔ, wadjango ndo waonga wa Nzambi ngandji katokande. Kimanyiya ampokami ayɛ dia monga la nsaki ka mbidja yimba lo woho wayaoka Jehowa ndo ka mbɔngɛnyangɛnya.