Ekakatanu tshɛ wayokomɛ lushi lɔmɔtshi

Ekakatanu koka tɔkɔmɔla esadi eto, djekoleko naka vɔ wamboviya edja. Davidɛ akeyaka di’okakatanu ande wakendanaka la nkumekanga Saolo wayokomɛ ndo ɔnɛ nde ayokoma nkumekanga oko wakalake Jehowa. (1Sa 16:13) Mbetawɔ kaki la Davidɛ kakokimanyiya dia monga la solo dia lotutsha ndo dia mendɛɛ le Jehowa.

Etena keso la ntondo k’ekakatanu, sho mbeyaka monga l’akoka wa nkamba la shɛnɔdi, ewo ndo dikoka diaso di’ekanelo ka yimba dia ntshikitanya dikambo diele la so. (1Sa 21:12-14; Tok 1:4) Koko, ekakatanu ɛmɔtshi wayotetemala kaanga l’ɔkɔngɔ wa sho nsala tshɛ kakiso l’akoka wa nsala lo yoho yɔtɔnɛ l’atɔndɔ wa lo Bible. Lo ntena dia ngasɔ, sho pombaka monga la solo dia lotutsha ndo mendɛɛ le Jehowa. Keem’edja, nde ayanga nkomiya asui tshɛ ndo ‘nkitola asɔyi oma lo washo’ aso tshɛ. (Ɛny 21:4) Oyadi ekimanyielo kaso kayoya oma lo woho wayekɛ Jehowa lonya kana l’ɔtɛ w’ɛkɔkɔ ekina, kɛnɛ kele mɛtɛ ele: Ekakatanu tshɛ wayokomɛ lushi lɔmɔtshi. Mbeya dui sɔ koka tosha ekeketshelo lo yɛdikɔ mɔtshi.

NYENDE VIDƐO YELE L’ƆTƐ A DUI ƆNƐ: ANTO WELE KAAMƐ L’ANDJA ƆNƐ WAMBATƆNA, NDO OMA LAASƆ NYOKADIMOLE LO AMBOLA WAYELA ANƐ:

• Ekakatanu akɔna wakahomana l’Akristo amɔtshi wa lo sidɛ k’États-Unis?

• Ngande wakawakɛnɛmɔla solo dia lotutsha ndo ngandji?

• Ngande wakawatetemala mbika washo lo “akambo woleki ohomba”?​—Flp 1:10