Polo lam’ayoyala eolwelo

Etena kavɔ lakiso ɔmɔtshi la ngandji, sho sambemaka diɛsɛ l’elongamelo ka eolwelo. Kaanga mbediɔ ngasɔ, pɛkato ndo nyɔi mongaka la shɛngiya le so sho tshɛ. Bible mbɛdikaka pɛkato la nyɔi la ɛngɔ kakomba anto tshɛ ndo okombɔ wafɛ wedja tshɛ. (Isa 25:7, 8) Ɔsɔ ekɔ ɔkɔkɔ ɔmɔtshi wɛnya lande na kele, “ditongami tshɛ diekɔ lo ntetemala nkuma akumu kaamɛ ndo diekɔ lo nsowa kaamɛ.” (Rɔm 8:22) Ngande wakokaso ndɔshana la kandji kaya etena kavushaso lakiso ɔmɔtshi la ngandji polo lam’ayoyala eolwelo? Ɔtɛkɛta wa Nzambi wekɔ l’atɔndɔ wakoka tokimanyiya.

NYENDE VIDƐO YELE L’ƆTƐ A DUI ƆNƐ: ETENA KAVƆ LAKIYƐ ƆMƆTSHI LA NGANDJI NDO OMA LAASƆ, NYOKADIMOLE LO AMBOLA WAYELA ANƐ:

• Kandji ka ngande kaki la Danielle, Masahiro ndo Yoshimi etena kakawavusha wakiwɔ wa ngandji?

• Ngande wakaakimanyiya alako atanu w’ohomba?

• Onto akɔna ele mɛtɛ kiɔkɔ y’esambelo?​—2Kɔ 1:3, 4