BIBLIƆTƐKƐ WA LO ƐTƐRNƐTƐ wa Watchtower

Mɛtɛ lo dikambo di’andjelo

Tshoto y’Etangelo (Numɛlɔ k’anto tshɛ)—2017 | No. 5
- Ngande wokongɛmi Andjelo wa Nzambi?
  
  Arkandjelo, Mikayɛlɛ, mbele owandji wa andjelo lo kɛnɛ kendana la wolo ndo lowandji. Afundelo mɛnyaka hwe dia Mikayɛlɛ ekɔ lokombo lokina laki Yeso Kristo.—1 Tɛsalɔnika 4:16; Judɛ 9.
  
  Asarafu wekɔ olui okina woleki laadiko l’atei wa andjelo lo kɛnɛ kendana la ɛkɛndɛ ndo nɛmɔ diele la wɔ ndo vɔ dinga kiti ka lowandji kaki Nzambi.—Isaya 6:1-3.
  
  Akɛruba vɔ la wɔ wekɔ olui okina wa laadiko ndo vɔ wekɔ l’ɛkɛndɛ wa laande wendana la lonto la lotombo laki Kanga-Wolo-Tshɛ. Mbala efula vɔ mongaka suke suke la nde dia mbokambɛ.—Etatelo 3:24; Ɛzɛkiyɛlɛ 9:3; 11:22.
  
  Nunu akumi dia andjelo akina wele akɛndji wekɔ lo nkamba oko ekambi ndo topita ta Ɔnɛ-Laheme-Tshɛ lo nkotsha lolango laki Nzambi.b—Hɛbɛru 1:7, 14.

Onde wɛ ekɔ la ondjelo ɔmɔtshi wakolama?

Tshoto y’Etangelo (Numɛlɔ k’anto tshɛ)—2017 | No. 5
- ASAWO WƆTƆNƐ L’ƆTƐ A DUI WA LO LOHOSO | ANDJELO—ONDE VƆ WEKƆ MƐTƐ? OHOMBA WA DIMBOLA SƆ
  
  Onde wɛ ekɔ la ondjelo ɔmɔtshi wakolama?
  
  Bible hetsha dia onto tshɛ ekɔ la ondjelo ɔmɔtshi wolama. Kɛnɛ kele mɛtɛ ele, Yeso akate mbala kɛmɔtshi ɔnɛ: “Nyewɔ dia mɔnyɔla anto wayakitshakitsha oko ana w’akɛnda [ambeki waki Kristo]. Nɛ dia lo mɛtɛ kanyotɛmi nte: Andjelo awɔ watɛnaka nshi tshɛ elungi ka Papa lele l’olongo.” (Mateo 18:10) Ɔnkɔnɛ, lo dihole dia mɛnya dia onto tshɛ ekɔ la ondjelo ɔmɔtshi wolama, Yeso akataka tsho dia andjelo ndjashaka tshɛ le ɔmɔmɔ la l’atei w’ambeki ande. Diakɔ diele, atɛmɔdi wa mɛtɛ hawoyadje lo waale tshanana lo mfɔnya ɔnɛ andjelo wa Nzambi wayowakokɛ.
  
  Onde kɛsɔ nangaka mbuta ɔnɛ andjelo hawokimanyiya anto? Ndooko. (Osambo 91:11) Anto amɔtshi ndjaokaka dia Nzambi mbashaka ekokelo ndo ɛlɔmbwɛlɔ oma le andjelo. Kenneth, lakatatɛkɛtshi lo sawo dia ntondo, ekɔ ɔtɔi ɔmɔtshi l’atei w’anto wayaoka ngasɔ. Lam’ele hatokoke tshininala paka lo kɛnɛ kataso, ondo nde mbeyaka monga la shadiya. Mbala efula Ɛmɛnyi wa Jehowa mɛnaka mɛtɛ ka ekimanyielo ka andjelo etena kayashawɔ l’olimu awɔ w’esambishelo. Koko lam’ele andjelo hawɛnama, sho hatokoke mbuta polo lo yɛdikɔ yakɔna yakamba Nzambi la wɔ dia nkimanyiya anto lo toho totshikitanyi. Ɔnkɔnɛ, bu kɔlɔ naka sho nkaloya Kanga-Wolo-Tshɛ losaka lo ekimanyielo tshɛ kakokande tosha.—Kɔlɔsayi 3:15; Jakɔba 1:17, 18.