Dibuku dia Nzambi diekɔ ɛngɔ ka nɛmɔ

1. Ekɔ dibuku dimɔ diele l’awui

Washa wɔladi nd’elongamelo.

Diɔ sɛnyaka akanga wa totshungu

Ndo diekɔ la losango la wolo.

Bible mbele dibuku sɔ di’ekila

Diakafundama edja heyama

’Me anto wakalangaka Jehowa.

Vɔ wakasokoyama la nyuma.

2. Vɔ wakate dia Nzambi akatonge

Diangɔ oma lo tshimbo ya nyuma.

Vɔ wakate nto dia anto wa ntondo

Wakayotshanyema ’ma l’Ɛdɛna.

Vɔ wakafunde di’ondjelo ɔmɔtshi

Walɔshana la Nzambi ka lomba.

Ngasɔ mbakaye pɛkato la fɔnu,

Koko Jehowa ayodj’otshumba.

3. Ɛlɔ kɛnɛ tekɔ l’ɔngɛnɔngɛnɔ

Nɛ dia Kristo aya Nkumekanga.

Ɔn’ekɔ lushi la panda le wanɛ

Wayela mboka yaki Jehowa.

Dibuku di’ekila diaki Nzambi sɔ

Diekɔ la nkumu y’ɔngɛnɔngɛnɔ.

Diɔ mbishak’anto wɔladi wa mamba

Ndo mbaɛnyaka mboka ka lɔsɛnɔ.