Okitshakitsha
Ngande wɔsa Jehowa akanga w’okitshakitsha l’akanga w’otako?
Os 138:6; Tok 15:25; 16:18, 19; 22:4; 1Pe 5:5
Enda ndo lo Tok 29:23; Isa 2:11, 12
Bɛnyɛlɔ dia lo Bible diakoka kokimanyiya:
2Ɛk 26:3-5, 16-21—Nkumekanga Uziya akayongaka la lotamanya ndo kɛsɔ akayokonya dia nde mɔnyɔla Ɛlɛmbɛ wa Nzambi lo momala etena kakawawoshaka alako ndo l’ɔtɛ ɔsɔ Nzambi akawoke sudi
Luk 18:9-14—Yeso akakambe l’ɛnyɛlɔ dia nembetshiya woho wayaoka Jehowa lo dikambo di’alɔmbɛlɔ w’akanga w’okitshakitsha l’akanga w’otako
Ngande wakadimola Jehowa akanga w’okitshakitsha wayatshumoya l’otema ɔtɔi?
Bɛnyɛlɔ dia lo Bible diakoka kokimanyiya:
2Ɛk 12:5-7—Nkumekanga Rɛhɔbɔama l’ewandji wa Juda wakayakitshakitsha la ntondo ka Jehowa ndo Jehowa kombalanya
2Ɛk 32:24-26—Nkumekanga k’ɔlɔlɔ Hɛzɛkiya akayongaka l’otako koko Jehowa akoodimanyiya lam’ele nde akayoyakitshakitshaka
Ngande watokimanyiya okitshakitsha dia nɔngɔsɔla lɔngɛnyi l’anto akina?
Ɛf 4:1, 2; Flp 2:3; Kɔl 3:12, 13
Bɛnyɛlɔ dia lo Bible diakoka kokimanyiya:
Eta 33:3, 4—Jakɔbɔ akɛnya ndjakitshakitsha k’efula etena kakandalongola ɔnango la kɔlɔ efula, Esao dia mbidja wɔladi lam’asawɔ
Emb 8:1-3—Shushi Ngidiyɔna akatɛkɛta l’okitshakitsha tshɛ l’apami w’aseka Efrayimɛ ɔnɛ vɔ mboleka ndo kɛsɔ akakitshakitsha nkɛlɛ ndo odudu waki la wɔ oya le nde
Ngande waketsha Yeso ohomba wa monga l’okitshakitsha?
Mat 18:1-5; 23:11, 12; Mak 10:41-45
Bɛnyɛlɔ dia lo Bible diakoka kokimanyiya:
Isa 53:7; Flp 2:7, 8—Oko wakadiatatami, Yeso aketawɔ l’okitshakitsha tshɛ ɔkɛndɛ ande wa la nkɛtɛ ndo akatewɔ mvɔ nyɔi ka paa ndo ka sɔnyi efula
Luk 14:7-11—Yeso akakambe l’ahole wa mbidjasɛ wa lo fɛtɛ dia mɛnya ohomba wele la okitshakitsha
Jni 13:3-17—Yeso aketsha ambeki ande lo nsala l’okitshakitsha tshɛ olimu wele paka ase olimu mbakoka mbokamba, mbuta ate nsola ambeki ande ekolo