Ovuswelo w’awui wakateke lo Kalasa k’olimu wa teokrasi
Ambola wayela anɛ wayɔkɛtshanyema lo Kalasa k’olimu wa teokrasi lomingu la Ngɔndɔ ka samalo 29, 2015. Adatɛ wele lo tɔkɔhi wɛnya lomingu tshɛ lakateke awui akɔ, wakadjama dia nyokimanyiya woho w’onto mbeya nsala eyangelo etena kalɔngɔsɔlande.
Kakɔna kaki kɔlɔ lo kɛnɛ kakatɛ Mikalɛ Davidɛ, ndo wetshelo akɔna wahomba atshukanyi nkondja oma l’ɔkɔndɔ ɔsɔ? (2 Sam. 6:20-23) [Ngɔ. ka 5, 11, w11 10/1 lk. 12 od. 1]
Kakɔna kakasale omvutshi Natana etena kakawongola Jehowa l’ɔtɛ wakandatɛ Davidɛ dia ntshɔ ndo tokɛ Jehowa tɛmpɛlɔ? (2 Sam. 7:2, 3) [Ngɔ. ka 5, 11, w12 2/15 lk. 24 od. 6-7]
Lande na kakakambe Natana la wɛɛla wele lo 2 Samuele 12:1-7 lo dihole dia mbutɛ Davidɛ mbala kakɔ ɔtɔi dia nde akasale pɛkato ka woke? Ngande wakoka ɔkɔndɔ ɔsɔ tokimanyiya dia monga embetsha w’eshika? [Ngɔ. ka 5, 18, w12 2/15 lk. 24 od. 2-3]
Lande na kaki Abisalɔma l’akoka wa nkesa ase Isariyɛlɛ, ndo ngande wakokaso ndjakokɛ oma le waa “Abisalɔma” wa nshi nyɛ? (2 Sam. 15:6) [Ngɔ. ka 5, 25, w12 7/15 lk. 13 od. 7]
Ngande wakakimanyiyama Davidɛ oma le Jehowa etena kakinde lo dihombo di’efula, ndo wetshelo akɔna wakokaso nkondja oma lo dui sɔ? (2 Sam. 17:27-29) [Ngɔ. ka 6, 1, w08 9/15 lk. 6 od. 15-16]
Wetshelo akɔna wakondjaso oma le Davidɛ lo woho wakandasalɛ Itayi laki ɔngɛndangɛnda akambo? (2 Sam. 18:2) [Ngɔ. ka 6, 1, w09 5/15 lk. 27 od. 7]
Wetshelo akɔna wakondja epalanga wa l’etshumanelo oma l’ɛnyɛlɔ ka Barazilai? (2 Sam. 19:33-35) [Ngɔ. ka 6, 8, w07-F 7/15 lk. 15 od. 1-2]
Eshikikelo kakɔna kakondja ekambi wa Jehowa ɛlɔ kɛnɛ oma l’ɛtɛkɛta waki Davidɛ wendana la kɔlamelo? (2 Sam. 22:26) [Ngɔ. ka 6, 15, w10 6/1-F lk. 26 od. 6-7]
Ngande wakɛnya Natana kɔlamelo yande le Nzambi, ndo ngande wakokaso mbokoya dionga sɔ ɛlɔ kɛnɛ? (1 Khum. 1:11-14) [Ngɔ. ka 6, 22, w12 2/15 lk. 25 od. 1, 4-5]
Lo awui akɔna wa lo lɔsɛnɔ wakoka okambi waki Nzambi monga l’ekanelo ka kɔlɔ lo ntona dia nkitanyiya kɛnɛ kakadjanga Nzambi oko wakasale Sɔlɔmɔna? (1 Khum. 3:1) [Ngɔ. ka 6, 29, w11 12/15 lk. 10 od. 12-14]