BIBLIƆTƐKƐ WA LO ƐTƐRNƐTƐ wa Watchtower
Watchtower
BIBLIƆTƐKƐ WA LO ƐTƐRNƐTƐ
Ɔtɛtɛla
  • BIBLE
  • EKANDA
  • NSANGANYA
  • w20 Ngɔndɔ ka tanu lk. 8-11
  • Nkumi ya dikanga hiende yalɔshana lo etena k’ekomelo

Ndooko vidɛo yele lo kɛnɛ kɔsɔnyiyɛ.

Otokimwe, munga kakongi etena kakayatelesharjɛki vidɛo.

  • Nkumi ya dikanga hiende yalɔshana lo etena k’ekomelo
  • Tshoto y’Etangelo Mbewoyaka Diolelo diaki Jehowa (wekelo)—2020
  • Awui wa woho akɔ
  • “Nkumekanga ka nɔrdɛ” lo etena k’ekomelo
    Tshoto y’Etangelo Mbewoyaka Diolelo diaki Jehowa (wekelo)—2020
  • Jehowa ekɔ lo mbishola “akambu waya ka ndja”
    Tshoto y’Etangelo Mbewoyaka Diolelo diaki Jehowa—2012
  • Ele “nkumekanga ka nɔrdɛ” ɛlɔ kɛnɛ?
    Tshoto y’Etangelo Mbewoyaka Diolelo diaki Jehowa (wekelo)—2020
  • Kɛnɛ kalembetshiya dibuku dia Ɛnyɛlɔ le atunyi wa Nzambi
    Tshoto y’Etangelo Mbewoyaka Diolelo diaki Jehowa (wekelo)—2022
Enda awui akina
Tshoto y’Etangelo Mbewoyaka Diolelo diaki Jehowa (wekelo)—2020
w20 Ngɔndɔ ka tanu lk. 8-11

Nkumi ya dikanga hiende yalɔshana lo etena k’ekomelo

Prɔfɛsiya mɔtshi yɔtɛkɛtami lo tablo kɛnɛ nembetshiyaka awui wakasalema l’etena kakɔ kaamɛ. Vɔ mɛnyaka lo toho efula ɔnɛ tekɔ lo nsɛna lo “etena k’ekomelo.”​—Dan. 12:4.

Tablo kɛnya prɔfɛsiya ndo wanɛ waki nkumekanga ka nɔrdɛ la nkumekanga ka sidɛ oma lo 1870 polo nshi nyɛ.
  • Kiombo 1 lo 4, mɛnyaka prɔfɛsiya yele l’awui wakasalema l’etena kakɔ kaamɛ lo etena k’ekomelo oma lo 1870 polo lo 1918. Oma l’ɔnɔnyi wa 1914 polo nshi nyɛ, etena kɛsɔ mbeyamaka oko etena k’ekomelo. Prɔfɛsiya 1: Nyama ka ngala kele l’ɛtɛ esambele kɛnama mbele la ntondo ka datɛ dia ntondo dia lo tablo kɛnɛ. Lo Ta dia ntondo di’andja w’otondo, ɔtɛ w’esambele wa nyama ka ngala wakahomɔ. Oma ko 1917, ɔtɛ w’esambele wakakɔnɔ ndo nyama ka ngala kaya la wolo nto. Prɔfɛsiya 2: Nkumekanga ka nɔrdɛ akeyama lo 1871, ndo nkumekanga ka sitɛ akeyama lo 1870. Allemagne akanyomɛnama nto lo 1871 oko nkumekanga ka nɔrdɛ. Grande-Bretagne akeyama ntondo oko nkumekanga ka sidɛ, koko lo 1917 vɔ wakayɔhɛnyama la Angleterre la Amerikɛ mandji yoleki wolo l’andja w’otondo. Prɔfɛsiya 3: Ntatɛ l’ɛnɔnyi wa 1870, Charles T. Russell la asekande wakeyama oko ‘dikɛndji.’ L’etatelo k’ɛnɔnyi wa 1880, ‘Tshoto y’Etangelo ya Siɔna’ yakakeketsha ambadi ayɔ dia nsambisha lokumu l’ɔlɔlɔ. Prɔfɛsiya 4: Oma ko 1914 polo nshi nyɛ, ekɔ eleko ka dinela. Nkangaka yambokakitɔna l’eponga. Prɔfɛsiya 5: Oma ko 1917 polo nshi nyɛ, akaka wa lowolo la diwomba wakeyama. Awui akina wakalembetshiyama: Akambo wakasalema l’andja ɔnɛ oma lo 1914 polo lo 1918, Ta dia ntondo di’andja w’otondo. Awui wakonge la shɛngiya le ekambi wa Jehowa: Oma lo 1914 polo lo 1918, Ambeki wa Bible wa lo Grande-Bretagne ndo wa l’Allemagne wakadjama lo lokanu. Lo 1918, anangɛso wa lo mbalasa kalɔmbɔla olimu l’andja w’otondo lo États-Unis wakadjama lo lokanu.
    Prɔfɛsiya 1.

    Afundelo: Ɛny. 11:7; 12:13, 17; 13:1-8, 12

    Prɔfɛsiya: “Nyama ka ngala” kakalɔmbɔla anto wa la nkɛtɛ l’edja k’ɛnɔnyi nunu. L’etena k’ekomelo, ɔtɛ ande w’esambele wakahomɔ. L’ɔkɔngɔ diko, ɔtɛ ɔsɔ wakakɔnɔ ndo “anto tshɛ wa la nkɛtɛ” wakayele nyama kakɔ. Satana akakambe la nyama kɛsɔ dia “tɔlɔsha atshikadi.”

    Okotshamelo: L’ɔkɔngɔ wa Mvula k’elola, mandji y’ana w’anto yakatombe yakalɔshana la Jehowa. Ntambe efula l’ɔkɔngɔ, lo Ta dia ntondo di’andja w’otondo, diolelo dia Grande-Bretagne diakakite tatala. Diɔ diakayonga nto la wolo etena kakadiakambe kaamɛ la États-Unis. Djekoleko l’etena k’ekomelo kɛnɛ, Satana ekɔ lo nkamba la dikongɛ diande dia pɔlitikɛ di’otondo dia ndɔsha ekambi wa Nzambi.

  • Prɔfɛsiya 2.

    Afundelo: Dan. 11:25-45

    Prɔfɛsiya: Ɔlɔshanelo lam’asa nkumekanga ka nɔrdɛ la nkumekanga ka sidɛ l’etena k’ekomelo.

    Okotshamelo: Allemagne akalɔsha Angleterre la Amerikɛ. Lo 1945 Union soviétique la wedja wosukɛ wakonge nkumekanga ka nɔrdɛ. Lo 1991, Union soviétique akakite tatala, ndo oma laasɔ Russie la wedja wosukɛ wakonge nkumekanga ka nɔrdɛ.

  • Prɔfɛsiya 3.

    Afundelo: Isa. 61:1; Mal. 3:1; Luka 4:18

    Prɔfɛsiya: Jehowa ambotoma “dikɛndji” diande dia “[ndj]ɛdia mboka” la ntondo ka Diolelo dia Mɛsiya shikikɛma. Dikɛndji sɔ akatatɛ “mbewoya lokumu l’ɔlɔlɔ le akanga wa memakana.”

    Okotshamelo: Ntatɛ l’ɛnɔnyi wa 1870, C. T. Russell la asekande wakakambe l’ohetoheto dia nembetshiya akambo wa mɛtɛ wa lo Bible. L’ɛnɔnyi wa 1880, vɔ wakatatɛ ndeka mɛnya di’ekambi wa Nzambi pombaka nsambisha. Vɔ wakatondja asawo, ɛnyɛlɔ “Toyange esambisha 1 000” ndo “Nyambokitama esɔ dia sambisha.”

  • Prɔfɛsiya 4.

    Afundelo: Mat. 13:24-30, 36-43

    Prɔfɛsiya: Otunyi akonɛ nkangaka l’ekambɔ k’eponga, ndo yɔ yakole ko yakafɛ eponga polo l’etena ka dinela; oma laasɔ wakakakitola eponga la nkangaka.

    Okotshamelo: Ntatɛ l’ɛnɔnyi wa 1800, Akristo wa mɛtɛ wakatatɛ tshikitanyema l’Akristo wa kashi. L’etena k’ekomelo, Akristo wa mɛtɛ wambotshumana ndo wambokakitɔna l’Akristo wa kashi.

  • Prɔfɛsiya 5.

    Afundelo: Dan. 2:31-33, 41-43

    Prɔfɛsiya: Akaka wa lowolo ndo diwomba wekɔ wa lohingu lakasalema la diangɔ diotshikitanyi.

    Okotshamelo: Diwomba diekɔ didjidji di’anto walɔmbɔma oma le Angleterre la Amerikɛ, koko vɔ mbatɔmbɔkwɛka. Anto asɔ mbidjɛka mandji shɔ wekamu dia nkamba la wolo awɔ wele oko lowolo tshɛ lo tshɛ.

  • Kiombo 2 lo 4, mɛnyaka prɔfɛsiya yele l’awui wakasalema l’etena kakɔ kaamɛ lo etena k’ekomelo oma lo 1919 polo lo 1945. Allemagne akeyama oko nkumekanga ka nɔrdɛ polo lo 1945. Grande-Bretagne la Angleterre la Amerikɛ mandji yoleki wolo l’andja w’otondo mbeyamaka oko nkumekanga ka sidɛ. Prɔfɛsiya 6: Lo 1919, Akristo w’akitami wakatshumana l’etshumanelo kakɛdiama. Oma lo 1919 polo nshi nyɛ, olimu w’esambishelo wekɔ lo kambema efula ndo wekɔ lo tatetemala. Prɔfɛsiya 7: Lo 1920, Société des Nations kakakengama ndo kakatetemala polo l’etatelo ka Ta dia hende di’andja w’otondo. Awui akina wakalembetshiyama: Prɔfɛsiya 1, nyama ka ngala kele l’ɛtɛ esambele, kekɔ lo ntetemala monga. Prɔfɛsiya 5, akaka wa lowolo la diwomba, wekɔ lo ntetemala monga. Akambo wakasalema l’andja ɔnɛ oma lo 1939 polo lo 1945, Ta dia hende di’andja w’otondo. Awui wakonge la shɛngiya le ekambi wa Jehowa: La Allemagne, oma lo 1933 polo lo 1945, Ɛmɛnyi wa Jehowa ndekana 11 000 wakadjama lo lokanu. Lo Grande-Bretagne, oma lo 1939 polo lo 1945, Ɛmɛnyi wa Jehowa suke la 1 600 wakadjama lo lokanu. Lo États-Unis, oma lo 1940 polo lo 1944, elui w’anto ndekana 2 500 wakalɔsha Ɛmɛnyi wa Jehowa.
    Prɔfɛsiya 6.

    Afundelo: Mat. 13:30; 24:14, 45; 28:19, 20

    Prɔfɛsiya: “Eponga” wambotshumanyema “lo luudu . . . la eombelo” ndo “ɔhɔmbɔ wa kɔlamelo ndo kɛsɔ” ambɔsɔnama laadiko “di’anto wa lo luudu.” Esambishelo ka “lokumu l’ɔlɔlɔ . . . la Diolelo” kambodiangana lo “nkɛtɛ k’otondo.”

    Okotshamelo: Lo 1919 ɔhɔmbɔ wa kɔlamelo akasɔnama dia nɔmbɔla ekambi wa Nzambi. Ntatɛ oma l’etena kɛsɔ, Ambeki wa Bible wakatatɛ nsambisha efula. Ɛlɔ kɛnɛ, Ɛmɛnyi wa Jehowa wekɔ lo nsambisha lo wedja ndekana 200 ndo wambotondja ekanda walembetshiya Bible lo ɛtɛkɛta ndekana 1 000.

  • Prɔfɛsiya 7.

    Afundelo: Dan. 12:11; Ɛny. 13:11, 14, 15

    Prɔfɛsiya: Nyama ka ngala kele la nseke hiende kayotɛ anto wa la nkɛtɛ dia nsala “efanelo ka nyama . . . ka ngala” ndo mbisha “efanelo ka nyama ka ngala lomu.”

    Okotshamelo: Angleterre la Amerikɛ wakatatɛ nkenga Société des Nations. Tshunda sɔ diakasukamɛ oma le wedja ekina. L’ekomelo, nkumekanga ka nɔrdɛ akayɔtɔ lo tshunda sɔ, koko paka oma lo 1926 polo lo 1933. Oko waki Société des Nations, wekɔ lo mbisha Nations unies (UN) lotombo lahombawɔ mbisha paka Diolelo dia Nzambi.

  • Kiombo 3 lo 4, mɛnyaka prɔfɛsiya yele l’awui wakasalema l’etena kakɔ kaamɛ lo etena k’ekomelo oma lo 1945 polo lo 1991. Union soviétique la wedja wakosukɛka wakeyama oko nkumekanga ka nɔrdɛ polo lo 1991, ndo oma laasɔ Russie la wedja wosukɛ. Angleterre la Amerikɛ mandji yoleki wolo l’andja w’otondo mbeyamaka oko nkumekanga ka sidɛ. Prɔfɛsiya 8: Edinga wa bɔmbɛ atɔmikɛ, wekɔ djembetelo yɛnya woho wakadiake Angleterre la Amerikɛ mandji yoleki wolo l’andja w’otondo anto efula. Prɔfɛsiya 9: Nations unies akakengama lo 1945, akahɛnɛ Société des Nations. Awui akina wakalembetshiyama: Prɔfɛsiya 1, nyama ka ngala kele l’ɛtɛ esambele, kekɔ lo ntetemala monga. Prɔfɛsiya 5, akaka wa lowolo la diwomba, wekɔ lo ntetemala monga. Prɔfɛsiya 6, lo 1945 apandjudi ndeka 156 000. Lo 1991, apandjudi ndekana 4 278 000. Awui wakonge la shɛngiya le ekambi wa Jehowa: Lo Union soviétique, oma lo 1945 polo l’ɛnɔnyi wa 1950, Ɛmɛnyi wa Jehowa nunu wakatɔlama la wolo la Siberie.
    Prɔfɛsiya 8.

    Afundelo: Dan. 8:23, 24

    Prɔfɛsiya: Nkumekanga kɛnama dia nde ekɔ djawudi “ayolanya lo yɛdikɔ y’efula.”

    Okotshamelo: Angleterre la Amerikɛ wambodiaka anto ndo wambolanya diangɔ efula. Ɛnyɛlɔ, lo Ta dia hende di’andja w’otondo États-Unis akalanya diangɔ efula lo yoho yahatasalemaka lo ndjela ɔkɔndɔ etena kakandakande wodja ɔmɔtshi waki otunyi ande bɔmbɛ atɔmikɛ hiende.

  • Prɔfɛsiya 9.

    Afundelo: Dan. 11:31; Ɛny. 17:3, 7-11

    Prɔfɛsiya: Nyama “ka beela” kele la nseke dikumi kayotomba oma lo difuku diaha l’ekomelo ndo tɔ kekɔ nkumekanga k’enanɛi. Dibuku dia Danyɛlɛ mɛnyaka dia nkumekanga kɛsɔ ekɔ “ɛngɔ ka wɔnɔnyi katonga elanyelo.”

    Okotshamelo: Société des Nations kakakite tatala lo Ta dia hende di’andja w’otondo. L’ɔkɔngɔ wa ta sɔ, Nations unies ‘akakitshama.’ Oko waki Société des Nations, wekɔ lo mbisha Nations unies lotombo lahombawɔ mbisha Diolelo dia Nzambi. Nations unies ayɔlɔsha ɛtɛmwɛlɔ.

  • Kiombo ya 4 lo 4, mɛnyaka prɔfɛsiya yele l’awui wakasalema l’etena kakɔ kaamɛ lo etena k’ekomelo oma lo nshi nyɛ polo lo Aramangɛdɔna. Russie la wedja wosukɛ mbeyamaka oko nkumekanga ka nɔrdɛ. Grande-Bretagne la Angleterre la Amerikɛ mandji yoleki wolo l’andja w’otondo wekɔ lo mbeyama oko nkumekanga ka sidɛ. Prɔfɛsiya 10: Ewandji w’andja ɔnɛ wayosha diewoyelo dia ‘wɔladi ndo lotui tshitshi.’ L’ɔkɔngɔ wa laasɔ, mfɔnu ka woke kayotatɛ. Prɔfɛsiya 11: Wedja wayɔlɔsha atshunda w’ɛtɛmwɛlɔ wa kashi. Prɔfɛsiya 12: Mandji ya l’andja ɔnɛ wayɔlɔsha ekambi wa Nzambi. Atshikadi w’akitami wayotshumanyema l’olongo. Prɔfɛsiya 13: Aramangɛdɔna. Ɔnɛ lodjashi lo mfalasa ka wɛma ayoshidiya ɔlɛndjɛlɔ ande. Nyama ka ngala kele l’ɛtɛ esambele kayolanyema; akaka wa lowolo la diwomba wa lohingu la woke wayɔtɛtshatɛtshama. Awui akina wakalembetshiyama: Prɔfɛsiya 1, nyama ka ngala kele l’ɛtɛ esambele, kayotetemala monga polo lo Aramangɛdɔna. Prɔfɛsiya 5, akaka wa lowolo la diwomba, wayotetemala monga polo lo Aramangɛdɔna. Prɔfɛsiya 6, ɛlɔ kɛnɛ apandjudi ndekana 8 580 000. Awui wakonge la shɛngiya le ekambi wa Jehowa: Lo 2017, ewandji wa la Russie wakadje Ɛmɛnyi wa Jehowa lo lokanu ndo wakahɔtɔla mvudu ya filialɛ.
    Prɔfɛsiya 10 la 11.

    Afundelo: 1 Tɛs. 5:3; Ɛny. 17:16

    Prɔfɛsiya: Wedja wayosha diewoyelo dia “wɔladi ndo lotui tshitshi,” ndo “nseke 10” la “nyama ka ngala” wayɔlɔsha “womoto la numba” ndo wayowolanya. Oma laasɔ, wedja wayolanyema.

    Okotshamelo: Wedja koka mfuna dia wambodja wɔladi ndo lotui tshitshi. Oma laasɔ, wedja wasukɛ Nations unies wayolanya atshunda w’ɛtɛmwɛlɔ wa kashi. Ɔsɔ mbayonga etatelo ka mfɔnu ka woke. Mfɔnu kɛsɔ kayokomɛ etena kayolanyema dikongɛ di’otondo dia l’andja ɔnɛ lo Aramangɛdɔna.

  • Prɔfɛsiy 12.

    Afundelo: Ɛzk. 38:11, 14-17; Mat. 24:31

    Prɔfɛsiya: Ngɔngɔ ayɔtwɛ wodja w’ekambi wa Nzambi. Oma laasɔ, andjelo wayotshumanya “asɔnami.”

    Okotshamelo: Nkumekanga ka nɔrdɛ kaamɛ la mandji kina ya l’andja ɔnɛ wayɔlɔsha ekambi wa Nzambi. Yema tshitshɛ l’ɔkɔngɔ w’etatelo ka ta sɔ, atshikadi w’akitami wayotshumanyema l’olongo.

  • Prɔfɛsiy 13.

    Afundelo: Ɛzk. 38:18-23; Dan. 2:34, 35, 44, 45; Ɛny. 6:2; 16:14, 16; 17:14; 19:20

    Prɔfɛsiya: ‘Ɔnɛ lahemi’ lo “mfalasa ka wɛma” ayoshidiya “ɔlɛndjɛlɔ ande” lo ndanya Ngɔngɔ la alembe ande. “Nyama ka ngala” “[ayo]kashema lo oduwa wa dja,” ndo lohingu la woke layɔtɛtshatɛtshama.

    Okotshamelo: Yeso, Nkumekanga kolɛ lo Diolelo dia Nzambi, ayokokɛ ekambi wa Nzambi. Kaamɛ l’anto 144 000 wayolɛ la nde ndo alembe ande w’andjelo, nde ayolanya osanga wa wedja, mbita ate dikongɛ di’otondo dia pɔlitikɛ dia Satana.

    Ekanda wa l’Ɔtɛtɛla (1983-2025)
    Tomba
    Ɔtɔ
    • Ɔtɛtɛla
    • Kahana l'onto
    • Nango
    • Copyright © 2025 Watch Tower Bible and Tract Society of Pennsylvania
    • Ɛlɛmbɛ w'okambelo
    • Awui wa sheke
    • Paramètres de confidentialité
    • JW.ORG
    • Ɔtɔ
    Kahana l'onto