LAEBORARI YA MO INTERNET

LAEBORARI YA MO INTERNET

LAEBORARI YA MO INTERNET

Ekesodo 9:14

Baebele ya Thanolo ya Lefatshe le Lesha
- 14 Gone jaanong ke tlisa dipetso tsa me tsotlhe gore ke iteye pelo ya gago, batlhanka ba gago le batho ba gago, gore o tle o itse gore ga go na ope yo o tshwanang le nna mo lefatsheng lotlhe.+

Ekesodo 15:11

Baebele ya Thanolo ya Lefatshe le Lesha
- 11 Jehofa, ke mang yo o tshwanang le wena mo medimong?+
  
  Ke mang yo o tshwanang le wena, wena yo o boitshepo thata?+
  
  Wena yo o tshwanetseng go boifiwa ka dipina tsa pako, wena yo o dirang dikgakgamatso.+

Pesalema 83:18

Baebele ya Thanolo ya Lefatshe le Lesha
- 18 E kete batho ba ka itse gore wena, yo leina la gago e leng Jehofa,+
  Wena o le esi o Mogodimodimo, o okametse lefatshe lotlhe.+

Pesalema 86:8

Baebele ya Thanolo ya Lefatshe le Lesha
- 8 Ga go na modimo ope yo o tshwanang le wena Jehofa,+
  Ga go na ditiro dipe tse di tshwanang le tsa gago.+

Isaia 46:9

Baebele ya Thanolo ya Lefatshe le Lesha
- 9 Gakologelwang dilo tse di fetileng* tsa bogologolo,
  Gore ke nna Modimo, mme ga go na ope yo mongwe.
  
  Ke nna Modimo, mme ga go na ope yo o tshwanang le nna.+

Jeremia 10:6, 7

Baebele ya Thanolo ya Lefatshe le Lesha
- 6 Ga go na ope yo o tshwanang le wena Jehofa.+
  
  O mogolo, e bile leina la gago le legolo gape le maatla.
  
  7 Ke mang yo o sa tshwanelang go go boifa, wena Kgosi ya ditšhaba?+ Gonne o tshwanelwa ke tlotlo;
  Ka gonne mo go botlhe ba ba botlhale mo ditšhabeng le mo magosing otlhe a bone,
  Ga go na ope yo o tshwanang le wena gotlhelele.+

Baroma 9:17

Baebele ya Thanolo ya Lefatshe le Lesha
- 17 Gonne lokwalo lo raya Faro lo re: “Ke go tlogetse gore o tswelele o le gone ka lebaka leno: gore ke bontshe maatla a me ka wena le gore ke dire gore leina la me le bolelwe mo lefatsheng lotlhe.”+