2 Di ne tsa re: “Morena wa me, Jehofa o ne a go laela gore o kgaoganye lefatshe ka bola+ gore e nne boswa jwa Baiseraele; mme Jehofa o ne a go laela gore o neye bomorwadia Selofehade morwarraarona boswa jwa gagwe.+

3 Le fa go ntse jalo, Selofehade+ morwa Hefere, morwa Gileade, morwa Makire, morwa Manase, o ne a se na bana ba basimane, mme o ne a na le bana ba basetsana fela, mme ano e ne e le maina a bomorwadie: Mahela, Noa, Hogola, Mileka le Tiresa. 4 Ka jalo, ba ne ba tla fa pele ga ga moperesiti Eliasare,+ Joshua morwa Nune le dikgosana, ba re: “Jehofa ke ene a neng a laela Moshe gore a re neye boswa mo go bomorwarraarona.”+ Ka jalo, o ne a ba naya boswa mo go bomorwarraagwe rraabone go ya ka taelo ya ga Jehofa.+