24 E rile ba goroga mo kampeng ya Baiseraele, Baiseraele ba ne ba simolola go kgemetha Bamoabe mo ba neng ba tshaba fa pele ga bone.+ Ba ne ba ya go fitlha kwa Moabe, ba tsamaya ba ntse ba kgemetha Bamoabe. 25 Ba ne ba diga metse, monna mongwe le mongwe o ne a latlhela leje mo karolong nngwe le nngwe e e molemo ya naga, ba e tlatsa ka maje; ba ne ba katela motswedi mongwe le mongwe wa metsi+ e bile ba ne ba rema setlhare sengwe le sengwe se se molemo.+ Kwa bofelong, dipota tsa maje tsa Kire-haresethe+ ke tsone fela tse di neng di setse di sa digiwa, mme masole a a neng a dikologile motse a ne a konopa maje ka motsekedi gore a o tlhasele a bo a o senye.