2 “Fa o reka motlhanka wa Mohebera,+ o tla go direla e le motlhanka dingwaga di le thataro, mme mo ngwageng wa bosupa a a gololwe kwantle ga tuelo.+

10 Lo tshwanetse go dira gore ngwaga wa bo50 o nne boitshepo lo bo lo itsise banni botlhe ba lefatshe la lona gore ke kgololesego.+ E tla nna Jubile mo go lona, mme mongwe le mongwe wa lona o tla boela kwa lefatsheng la gagwe e bile mongwe le mongwe wa lona o tla boela kwa lelapeng la gagabo.+

39 “‘Fa morwarrago yo o agileng gaufi le wena a humanega a bo a tshwanelwa ke go ithekisa mo go wena,+ ga o a tshwanela go mo pateletsa go dira tiro ya bokgoba.+ 40 A tshwarwe jaaka modiri yo o thapilweng,+ jaaka motho yo o agileng le wena. A go direle go fitlha ka ngwaga wa Jubile. 41 Go tswa foo, o tla go tlogela, ene le bana* ba gagwe mme ba boele kwa lelapeng la gagwe. A boele kwa lefatsheng la borraagwemogolo.+ 42 Gonne ke batlhanka ba me ba ke ba ntshitseng kwa lefatsheng la Egepeto.+ Ba se ka ba ithekisa ka tsela e lekgoba le rekisiwang ka yone.

12 “Fa o rekisediwa mongwe wa bomorwarrago, Mohebera wa monna kgotsa wa mosadi, mme a go diretse dingwaga di le thataro, foo mo ngwageng wa bosupa o mo golole.+