11 Kgosi Nebukadenesare wa Babelona o ne a tla mo motseng oo fa batlhanka ba gagwe ba ne ba kampile go o dikologa.

13 Go tswa foo, o ne a ntsha matlotlo otlhe a ntlo ya ga Jehofa le matlotlo a ntlo ya kgosi* koo.+ O ne a thubaganya dilwana tsotlhe tsa gauta tse Solomone kgosi ya Iseraele a neng a di dirile mo tempeleng ya ga Jehofa.+ Seno se ile sa diragala fela jaaka Jehofa a ne a boleletse pele.

7 Mme Nebukadenesare o ne a tsaya dingwe tsa dilwana tsa ntlo ya ga Jehofa a di isa kwa Babelona a bo a di baya mo ntlong ya gagwe ya segosi kwa Babelona.+

28 Mo go one ngwaga oo, kwa tshimologong ya puso ya ga Kgosi Sedekia+ wa Juda, mo ngwageng wa bonê, mo kgweding ya botlhano, moporofeti Hanania morwa Asure yo o tswang kwa Gibeone+ o ne a mpolelela jaana mo ntlong ya ga Jehofa fa pele ga baperesiti le batho botlhe: 2 “Jehofa wa masomosomo, Modimo wa Iseraele a re, ‘Ke tla robaganya jokwe ya kgosi ya Babelona.+ 3 Mo dingwageng tse pedi,* ke tla busetsa dilwana tsotlhe tsa ntlo ya ga Jehofa mo lefelong leno tse Kgosi Nebukadenesare wa Babelona a neng a di tsaya mo lefelong leno a bo a di isa kwa Babelona.’ ”+

1 Mo ngwageng wa boraro wa puso ya ga Kgosi Jehoiakime+ wa Juda, Kgosi Nebukadenesare wa Babelona o ne a tla mo Jerusalema a bo a kampa go e dikologa.+ 2 Fa nako e ntse e tsamaya, Jehofa o ne a tsenya Kgosi Jehoiakime wa Juda mo seatleng sa Kgosi Nebukadenesare+ mmogo le dilwana dingwe tsa ntlo* ya Modimo wa boammaaruri, mme o ne a di isa kwa nageng ya Shinare*+ kwa ntlong* ya modimo wa gagwe. O ne a baya dilwana tseo mo bobolokelamatlotlong jwa modimo wa gagwe.+