Dipesalema
Go mokaedi wa “Kgama e Namagadi ya Masa.”* Pina ya ga Dafide.
22 Modimo wa me, Modimo wa me, o ntatlhetse eng?+
Ke ka ntlha yang fa o sa tle go mpoloka?
Ke ka ntlha yang fa o sa utlwe selelo sa me sa khutsafalo?+
2 Modimo wa me, ke nna ke go bitsa motshegare, mme ga o nkarabe;+
Le bosigo ga ke kgone go didimala.
5 Ba ne ba goela kwa go wena, mme o ne wa ba boloka;
7 Botlhe ba ba mponang ba ntshega ka tshotlo;+
Ba nteba ka lenyatso e bile ba thukutha ditlhogo tsa bone ba re:+
8 “O ne a ikaegile ka Jehofa. A a mo golole!
A a mmoloke, ka gonne o mo rata thata!”+
9 Ke Wena yo o nketshitseng* mo popelong,+
Wena yo o dirileng gore ke ikutlwe ke sireletsegile mo mabeleng a ga mmê.
10 Ke ne ka tlisiwa kwa go wena gore o ntlhokomele* go tloga fa ke tsholwa;
Fa e sa le ke tswa mo popelong ya ga mmê, o ntse o le Modimo wa me.
13 Baba ba me ba nkatlhamoloseditse melomo ya bone,+
Jaaka tau e e kurutlang e e gagoganyang se e se tsumileng.+
14 Ke tshololwa jaaka metsi;
Marapo a me otlhe a dule mo malokololong a one.
15 Ga ke sa tlhole ke na le maatla, ke tshwana le kapetla ya sejana sa letsopa;+
Loleme lwa me lo ngaparela magalapa;+
O ntsentse mo khuting gore ke swe.+
16 Gonne ke dikologilwe ke dintša;+
Di ntikologile jaaka setlhopha sa badirabosula,+
Di fa diatleng tsa me le fa dinaong tsa me jaaka tau.+
17 Ke kgona go bala marapo a me otlhe.+
Ba a nteba e bile ba ntlhoma matlho.
19 Mme wena Jehofa, o se ka wa nna o le kgakala.+
Ke wena nonofo ya me; itlhaganelele go nthusa.+
20 Nkgolole mo tšhakeng,
Golola botshelo jwa me jo bo tlhwatlhwakgolo* mo maroong* a dintša;+
21 Nkgolole mo molomong wa tau+ le mo dinakeng tsa dipoo tsa naga;
Nkarabe mme o mpoloke.
23 Lona ba lo boifang Jehofa, mmakeng!
Lona lotlhe ditlogolwana* tsa ga Jakobe, mo galaletseng!+
Lona lotlhe ditlogolwana* tsa ga Iseraele, mo tlotleng.
Fa a ne a goela kwa go ene a kopa thuso, o ne a mo utlwa.+
25 Ke tla baka Modimo mo phuthegong e kgolo;+
Ke tla duela maikano a me fa pele ga ba ba mmoifang.
E kete lo ka itumelela go tshela* ka bosakhutleng.
27 Batho botlhe ba ba tswang mo lefatsheng lotlhe ba tla gakologelwa Jehofa ba bo ba boela kwa go ene.
Malapa otlhe a ditšhaba a tla ikoba fa pele ga gago.+
28 Gonne bogosi ke jwa ga Jehofa;+
O busa ditšhaba.
29 Botlhe ba ba atlegileng* ba lefatshe ba tla ja e bile ba tla ikoba;
Botlhe ba ba fologelang kwa loroleng ba tla khubama fa pele ga gagwe;
Ga go na ope wa bone yo o ka bolokang botshelo jwa gagwe.
30 Ditlogolwana* tsa bone di tla mo direla;
Kokomana e e tlang e tla bolelelwa ka ga Jehofa.
31 Ba tla tla ba bo ba bua ka tshiamo ya gagwe.
Ba tla bolelela batho ba ba sa ntseng ba tla tsholwa se a se dirileng.