Dipesalema
Pina ya ga Dafide.
141 Ao tlhe Jehofa, ke goela kwa go wena.+
Itlhaganele o nthuse.+
Ntshekegele tsebe fa ke goela kwa go wena.+
2 E kete thapelo ya me e ka nna jaaka maswalo+ a a baakantsweng fa pele ga gago,+
E kete diatla tsa me tse di tsholeditsweng di ka nna jaaka setlhabelo sa dijo tsa ditlhaka se se ntshiwang maitseboa.+
3 Ao tlhe Jehofa, beela molomo wa me modisa,
Tlhoma molebeledi fa kgorong ya molomo wa me.+
4 O se ka wa ntetla gore ke eletse go dira se se bosula,+
Le gore ke dire dilo tse di bosula le batho ba ba bosula;
Ga nkitla ke ja dijo tsa bone tsa maemo.
5 Fa mosiami a ka ntitaya, e tla bo e le ka ntlha ya lorato lwa gagwe lo lo sa kgaotseng;+
Fa a ka nkgalemela, go tla bo go ntse jaaka e kete o tshela leokwane mo tlhogong ya me,+
Le tlhogo ya me e ka se kang ya le gana le ka motlha.+
Ke tla tswelela ke rapela, tota le fa a le mo masetlapelong.
6 Le fa gone baatlhodi ba latlhelwa fa fatshe go tswa mo lefikeng,
Batho bone ba tla reetsa mafoko a me ka kelotlhoko, ka gonne a a itumedisa.
7 Fela jaaka fa mongwe a lema a bo a thuba mmu,
Marapo a rona le one a phatlaletse mo molomong wa Lebitla.*
8 Le fa go ntse jalo, matlho a me a lebile kwa go wena, wena Morena Molaodimogolo Jehofa.+
Ke tshabetse mo go wena.
O se ka wa fedisa botshelo* jwa me.
9 Nkgolole mo ditlhaeng tsa serai se ba se mpeetseng,
Mo diraing tsa badirabosula.
10 Batho ba ba bosula ba tla wela botlhe fela mo matloweng a bone+
Fa nna ke feta ke babalesegile.