Dipesalema

65 Wena Modimo, o letetswe ke pako mo Siona;+

Re tla diragatsa maikano a re a go diretseng.+

 3 Melato ya me e a mphekeetsa,+

Le fa go ntse jalo, o re itshwarela maleo a rona.+

 4 Go itumela motho yo o mo tlhophang o bo o mo atametsa kwa go wena

Gore a nne mo malwapeng a gago.+

Re tla kgotsofadiwa ke dilo tse di molemo tse di mo ntlong ya gago,+

E leng tempele ya gago e e boitshepo.*+

 5 O tla re araba ka ditiro tse di gakgamatsang+ tsa tshiamo,

Wena Modimo wa poloko ya rona;

O Tshepo ya batho botlhe ba ba mo lefatsheng lotlhe+

Le ya ba ba kgakala ka kwa ga lewatle.

 6 O beile dithaba fa di nnang teng ka nonofo ya gago;

O na le maatla a magolo.+

 7 O sisibatsa mawatle a a galefileng,+

E leng go itaagana ga makhubu a one le pheretlhego ya ditšhaba.+

 8 Banni ba mafelo a a kgakalakgakala ba tla gakgamadiwa ke ditshupo tsa gago;+

O tla dira gore batho ba goe ka boitumelo go tswa kwa botlhabatsatsi go ya kwa bophirimatsatsi.

 9 O tlhokomela lefatshe,

O dira gore le ungwe thata* e bile o a le nontsha.+

Molatswana o o tswang kwa Modimong o tletse metsi;

Wena o ba naya dijo tsa ditlhaka,+

Gonne ke kafa o dirileng lefatshe ka gone.

10 O kolobetsa mesele ya lone e bile o papiela mmu wa lone o o lemilweng;

O le nosetsa ka dipula tsa medupe; o segofatsa se se tlhogang mo go lone.+

11 O kgabisitse ngwaga ka dilo tse di molemo jaaka e kete o o rwesitse serwalo;

Ditselana tsa gago di penologa ka letlepu la dilo tse di molemo.*+

12 Mafulo a naga a nna a penologa,*+

Le dithota di apesitswe ke boitumelo.+

13 Mafulo a apesitswe ke matsomane,

Mme mekgatšha* e khurumeditswe ke dijo.+