Dipesalema
Pina Ya fa Go Tlhatlogelwa Kwa Motseng. Pesalema ya ga Dafide.
124 “Fa Jehofa a ka bo a ne a se na le rona,”+
A jaanong Iseraele a re:
2 “Fa Jehofa a ka bo a ne a se na le rona+
Fa batho ba ne ba re tlhasela,+
3 Foo ba ka bo ba re komeditse re ntse re tshela+
Fa bogale jwa bone bo ne bo re tukela.+
4 Foo metsi a ka bo a re gogotse,
Molapo o o elelang o ka bo o re khurumeditse.+
5 Metsi a a galefileng a ka bo a re khurumeditse.
6 A Jehofa a bakwe,
Gonne ga a ka a letla gore ba re garolake ka meno jaaka sengwe se ba se tsomileng.
7 Re tshwana le nonyane e e falotseng
Mo seraing sa motsomi;+
Serai se ne sa robega,
Mme re ne ra falola.+
8 Thuso ya rona e mo leineng la ga Jehofa,+
Modiri wa legodimo le lefatshe.”