Ditiragalo wa Ntlha

6 Bomorwa Lefi+ e ne e le Gereshone, Kohathe+ le Merari.+ 2 Bomorwa Kohathe e ne e le Amerame, Isehare,+ Heberone le Usiele.+ 3 Bana* ba ga Amerame+ e ne e le Arone,+ Moshe+ le Miriame.+ Mme bomorwa Arone e ne e le Nadabe, Abihu,+ Eliasare+ le Ithamare.+ 4 Eliasare o ne a nna rraagwe Finease;+ Finease o ne a nna rraagwe Abishua. 5 Abishua o ne a nna rraagwe Buki; Buki o ne a nna rraagwe Usi. 6 Usi o ne a nna rraagwe Serahia; Serahia o ne a nna rraagwe Meraiothe. 7 Meraiothe o ne a nna rraagwe Amaria; Amaria o ne a nna rraagwe Ahitube.+ 8 Ahitube o ne a nna rraagwe Sadoke;+ Sadoke o ne a nna rraagwe Ahimaase.+ 9 Ahimaase o ne a nna rraagwe Asaria; Asaria o ne a nna rraagwe Johanane. 10 Johanane o ne a nna rraagwe Asaria. O ne a direla e le moperesiti mo ntlong e Solomone a neng a e aga kwa Jerusalema.

11 Asaria o ne a nna rraagwe Amaria; Amaria o ne a nna rraagwe Ahitube. 12 Ahitube o ne a nna rraagwe Sadoke;+ Sadoke o ne a nna rraagwe Shalume. 13 Shalume o ne a nna rraagwe Hilekia;+ Hilekia o ne a nna rraagwe Asaria. 14 Asaria o ne a nna rraagwe Seraia;+ Seraia o ne a nna rraagwe Jehosadake.+ 15 Mme Jehosadake o ne a ya botshwarwa fa Jehofa a ne a isa Juda le Jerusalema botshwarwa ka seatla sa ga Nebukadenesare.

16 Bomorwa Lefi e ne e le Gereshome,* Kohathe le Merari. 17 Ano ke maina a bomorwa Gereshome: Libeni le Shimei.+ 18 Bomorwa Kohathe e ne e le Amerame, Isehare, Heberone le Usiele.+ 19 Bomorwa Merari e ne e le Maheli le Mushi.

Ano e ne e le malapa a Balefi ka borraabonemogolo:+ 20 Morwa Gereshome+ e ne e le Libeni, morwa Libeni e ne e le Jahathe, morwa Jahathe e ne e le Sima, 21 morwa Sima e ne e le Joa, morwa Joa e ne e le Ido, morwa Ido e ne e le Sera, morwa Sera e ne e le Jeatherai. 22 Bomorwa* Kohathe e ne e le Aminadabe, morwa Aminadabe e ne e le Kora,+ bomorwa Kora e ne e le Asire, 23 Elekana, Ebiasafe,+ mme morwa Ebiasafe e ne e le Asire, 24 morwa Asire e ne e le Tahathe, morwa Tahathe e ne e le Uriele, morwa Uriele e ne e le Usia, mme morwa Usia e ne e le Shaulo. 25 Bomorwa Elekana e ne e le Amasai le Ahimothe. 26 Morwa* Elekana e ne e le Sofai, morwa Sofai e ne e le Nahathe, 27 morwa Nahathe e ne e le Eliabe, morwa Eliabe e ne e le Jerohame, morwa Jerohame e ne e le Elekana.+ 28 Bomorwa Samuele+ e ne e le Joele wa leitibolo mme wa bobedi e ne e le Abija.+ 29 Bomorwa* Merari e ne e le Maheli,+ morwa Maheli e ne e le Libeni, morwa Libeni e ne e le Shimei, morwa Shimei e ne e le Usa, 30 morwa Usa e ne e le Shimea, morwa Shimea e ne e le Hagia, mme morwa Hagia e ne e le Asaia.

31 Bano ke bone ba Dafide a neng a ba tlhoma gore ba kaele baopedi fa go opelwa kwa ntlong ya ga Jehofa fa Letlole le sena go bewa koo.+ 32 Maikarabelo a bone e ne e le go opela kwa motlaaganeng wa tente ya bokopanelo go fitlha Solomone a aga ntlo ya ga Jehofa kwa Jerusalema,+ mme ba ne ba dira tirelo ya bone fela jaaka ba ne ba laetswe.+ 33 Bano ke banna ba ba neng ba direla mmogo le bomorwaabone: Ba ba tswang mo Bakohatheng e ne e le Hemane+ moopedi, morwa Joele+ morwa Samuele 34 morwa Elekana+ morwa Jerohame morwa Eliele morwa Toa 35 morwa Sufe morwa Elekana morwa Mahathe morwa Amasai 36 morwa Elekana morwa Joele morwa Asaria morwa Sefania 37 morwa Tahathe morwa Asire morwa Ebiasafe morwa Kora 38 morwa Isehare morwa Kohathe morwa Lefi morwa Iseraele.

39 Morwarraagwe e bong Asafe+ o ne a ema ka fa letsogong la gagwe la moja; Asafe e ne e le morwa Berekia morwa Shimea 40 morwa Mikaele morwa Baaseia morwa Malekija 41 morwa Etheni morwa Sera morwa Adaia 42 morwa Ethane morwa Sima morwa Shimei 43 morwa Jahathe morwa Gereshome morwa Lefi.

44 Ditlogolwana tsa ga Merari,+ bomorwarraabone, ba ne ba le ka fa letsogong la molema; go ne go na le Ethane+ morwa Kishi morwa Abedi morwa Maluke 45 morwa Hashabia morwa Amasia morwa Hilekia 46 morwa Amesi morwa Bani morwa Shemere 47 morwa Maheli morwa Mushi morwa Merari morwa Lefi.

48 Bomorwarraabone e bong Balefi ba ne ba tlhomilwe* go dira tirelo yotlhe ya motlaagana, e leng ntlo ya Modimo wa boammaaruri.+ 49 Arone le bomorwawe+ ba ne ba ntsha ditlhabelo gore di kuise mosi mo sebesong sa ditlhabelo tse di fisiwang+ e bile ba ne ba fisa maswalo+ gore a kuise mosi mo sebesong sa maswalo, ba dira ditiro tse di amanang le dilo tse di boitshepotshepo, gore Baiseraele ba itshwarelwe maleo.+ Mme ba ne ba dira go ya ka fa go sotlhe se Moshe motlhanka wa Modimo wa boammaaruri a neng a se laetse. 50 Bano e ne e le ditlogolwana tsa ga Arone:+ Morwawe e ne e le Eliasare,+ morwa Eliasare e ne e le Finease, morwa Finease e ne e le Abishua, 51 morwa Abishua e ne e le Buki, morwa Buki e ne e le Usi, morwa Usi e ne e le Serahia, 52 morwa Serahia e ne e le Meraiothe, morwa Meraiothe e ne e le Amaria, morwa Amaria e ne e le Ahitube,+ 53 morwa Ahitube e ne e le Sadoke,+ mme morwa Sadoke e ne e le Ahimaase.

54 Eno e ne e le metsana ya bone go ya ka dikampa* tsa bone tse di mo nageng ya bone: ditlogolwana tsa ga Arone ba e leng ba lelapa la Bakohathe, ba ba neng ba abelwa karolo ya ntlha e e abilweng ka bola, 55 ba ne ba newa Heberone+ mo lefatsheng la Juda, le mafulo a a e dikologileng. 56 Mme naga ya motse oo le metsana ya yone ba ne ba e naya Kalebe+ morwa Jefune. 57 Mme ditlogolwana tsa ga Arone di ne tsa newa metse* ya botshabelo,+ Heberone,+ mmogo le Libena+ le mafulo a yone, Jatire,+ Eshetemoa le mafulo a yone,+ 58 Hilene le mafulo a yone, Debira+ le mafulo a yone, 59 Ashane+ le mafulo a yone le Bethe-shemeshe+ le mafulo a yone; 60 mme go tswa mo lotsong lwa ga Benjamine, ba ne ba abelwa Geba+ le mafulo a yone, Alemethe le mafulo a yone le Anathothe+ le mafulo a yone. Metse yotlhe ya malapa a bone e ne e le metse e le 13.+

61 Bakohathe ba ba neng ba setse ba ne ba kgaoganyediwa* metse e le lesome go tswa mo malapeng a ditso tse dingwe le go tswa mo halofong ya lotso, e leng halofo ya lotso lwa ga Manase.+

62 Bagereshome ba ne ba abelwa metse e le 13 go ya ka malapa a bone go tswa mo lotsong lwa ga Isakare, mo lotsong lwa ga Ashera, mo lotsong lwa ga Nafetali le mo lotsong lwa ga Manase kwa Bashana.+

63 Bamerari go ya ka malapa a bone ba ne ba abelwa metse e le 12 ka bola go tswa mo lotsong lwa ga Rubene, mo lotsong lwa ga Gada le mo lotsong lwa ga Sebulone.+

64 Ka jalo, Baiseraele ba ne ba naya Balefi metse eno le mafulo a yone.+ 65 Mo godimo ga moo, ba ne ba abelwa metse eno ka bola go tswa mo lotsong lwa ga Juda, mo lotsong lwa ga Simeone le mo lotsong lwa ga Benjamine, e e umakilweng ka maina a bone.

66 Mangwe a malapa a Bakohathe a ne a abelwa metse go tswa mo lotsong lwa ga Eferaime gore e nne naga ya bone.+ 67 Ba ne ba newa metse* ya botshabelo, Shekema+ le mafulo a yone mo kgaolong e e dithaba ya Eferaime, Gesere+ le mafulo a yone, 68 Jokemeame le mafulo a yone, Bethe-horona+ le mafulo a yone, 69 Aijalona+ le mafulo a yone le Gathe-rimone+ le mafulo a yone; 70 mme go tswa mo halofong ya lotso lwa ga Manase, malapa a Bakohathe ba ba neng ba setse ba ne ba newa Anere le mafulo a yone le Bileame le mafulo a yone.

71 Bagereshome ba ne ba abelwa Golane+ kwa Bashana le mafulo a yone le Ashetarothe le mafulo a yone+ go tswa mo lelapeng la halofo ya lotso lwa ga Manase; 72 mme go tswa mo lotsong lwa ga Isakare, ba ne ba abelwa Kedeshe le mafulo a yone, Daberathe+ le mafulo a yone,+ 73 Ramothe le mafulo a yone le Anema le mafulo a yone; 74 mme go tswa mo lotsong lwa ga Ashera, ba ne ba abelwa Mashale le mafulo a yone, Abedona le mafulo a yone,+ 75 Hukoka le mafulo a yone le Rehobe+ le mafulo a yone; 76 mme go tswa mo lotsong lwa ga Nafetali, ba ne ba abelwa Kedeshe+ kwa Galalea+ le mafulo a yone, Hamone le mafulo a yone le Kiriathaime le mafulo a yone.

77 Bamerari ba ba neng ba setse ba ne ba abelwa Rimono le mafulo a yone, Tabore le mafulo a yone, go tswa mo lotsong lwa ga Sebulone;+ 78 mme go tswa mo lotsong lwa ga Rubene mo kgaolong ya Joredane kwa Jeriko, go ya kwa botlhaba jwa Joredane, ba ne ba abelwa Besere mo sekakeng le mafulo a yone, Jahase+ le mafulo a yone, 79 Kedemothe+ le mafulo a yone le Mefaathe le mafulo a yone; 80 mme go tswa mo lotsong lwa ga Gada, ba ne ba abelwa Ramothe kwa Gileade le mafulo a yone, Mahanaime+ le mafulo a yone, 81 Heshebone+ le mafulo a yone le Jasere+ le mafulo a yone.