Baatlhodi
5 Mo letsatsing leo, Debora+ mmogo le Barake+ morwa Abinoame ba ne ba opela pina eno:+
2 “Ka ntlha ya batlhabani ba moriri o o sa bofiwang* mo Iseraele,
Ka ntlha ya go bo batho ba ile ba ithaopa,+
Bakang Jehofa!
3 Reetsang, lona dikgosi! Sekegang tsebe, lona babusi!
Ke tla opelela Jehofa.
Ke tla opelela* Jehofa,+ Modimo wa Iseraele,+ dipako.
4 Jehofa, fa o ne o tswa kwa Seire,+
Fa o ne o gwanta o tswa mo nageng ya Edoma,
Lefatshe le ne la reketla, mme magodimo a ne a tshologa,
Maru a ne a tshologa metsi.
5 Dithaba di ne tsa nyerologa* fa pele ga sefatlhego sa ga Jehofa,+
Tota le Sinai e ne ya nyerologa fa pele ga sefatlhego sa ga Jehofa,+ Modimo wa Iseraele.+
6 Mo malatsing a ga Shamegare+ morwa Anathe,
Mo malatsing a ga Jaele,+ ditsela di ne di sa tsamaiwe;
Batsamai ba ne ba tsamaya ka ditsela tse di kwa thoko.
7 Baagi ba metsana ya Iseraele ba ne ba seyo;*
Ba ne ba seyo go fitlha ke ema, nna Debora,+
Go fitlha ke ema jaaka mmê mo Iseraele.+
Thebe e ne e sa bonwe, le fa e le lerumo,
Mo gare ga ba le 40 000 mo Iseraele.
Bakang Jehofa!
10 Lona bapalami ba ditonki tse di borokwa jo bosetlhana,
Lona ba lo nnang mo diphateng tsa maemo a a kwa godimo,
Le lona ba lo tsamayang mo tseleng,
Akanyang ka ditiro tsa Modimo!
11 Mantswe a baabi ba metsi a ne a utlwiwa kwa mafelong a go nosetsa;
Ba ne ba bolela ka ditiro tse di siameng tsa ga Jehofa ba le koo,
Ditiro tse di siameng tsa baagi ba gagwe ba metsana mo Iseraele.
Foo batho ba ga Jehofa ba ne ba ya kwa dikgorong.
12 Tsoga, tsoga, wena Debora!+
Tsoga, tsoga, opela pina!+
Ema, Barake!+ Etelela batshwarwa ba gago pele, wena morwa Abinoame!
13 Foo ba ba neng ba setse ba ne ba tla kwa batlotleging;
Batho ba ga Jehofa ba ne ba tla kwa go nna gore ba lwe le ba ba maatla.
14 Ba ba leng kwa mokgatšheng,* ba dule mo go Eferaime;
Ba latela wena, wena Benjamine, mo ditšhabeng tsa gago.
Balaodi ba ne ba tswa mo go Makire,+
Mme ba ba tsholang thobane ya molaodi* ba ne ba tswa mo go Sebulone.
15 Dikgosana kwa Isakare di ne di na le Debora,
Fela jaaka Isakare a ne a ntse, Barake+ o ne a ntse jalo.
O ne a romiwa kwa lebaleng le le kwa tlase a tsamaya ka dinao.+
Mo ditlhopheng tsa ga Rubene, dipelo di ne tsa tlhatlhobiwa mo go tseneletseng.
16 Goreng o ne o ntse fa gare ga dikgetsana tse pedi tsa disale,
O ba reeditse ba leletsa matsomane+ diphala tsa lotlhaka?
Gonne mo ditlhopheng tsa ga Rubene, dipelo di ne tsa tlhatlhobiwa mo go tseneletseng.
Ashera o ne a nna a sa dire sepe mo losing lwa lewatle,
18 Sebulone e ne e le setšhaba se se neng sa tsenya matshelo a sone mo kotsing go ya losong;
Nafetali le ene+ o ne a dira jalo, a le kwa mafelong a a goletsegileng.+
Kwa Taanake, fa metsing a Megido.+
Tsa se ka tsa gapa selefera epe.+
20 Dinaledi di ne tsa tlhabana di le kwa legodimong;
Di ne tsa tlhabana le Sisera di le mo medikologong ya tsone.
Ke ne ka gataka ba ba nonofileng.
22 Foo ditlhakwana tsa dipitse di ne tsa tiba
Fa dipitse tsa gagwe tse ditonanyana di ntse di patakela ka bogale.+
23 Moengele wa ga Jehofa o ne a re, ‘Hutsang Merose,’
‘Hutsang banni ba yone,
Gonne ba ne ba se ka ba tla go thusa Jehofa,
Go thusa Jehofa ba na le ba ba maatla.’
24 Mosadi yo o segofaditsweng thata mo basading ke Jaele+
Mosadi wa ga Hebere+ wa Mokene;
O segofaditswe thata mo basading ba ba nnang mo ditenteng.
25 Sisera o ne a kopa metsi; Jaele a mo naya mashi.
O ne a mo naya madila* ka sekotlele se segolo sa mokete.+
26 O ne a tsaya sepekere se setona ka seatla sa gagwe,
A tsaya hamore* ya badiri ka seatla sa moja.
Mme o ne a kokotela Sisera, a thuba tlhogo ya gagwe,
Mme a tšhwetlakanya a bo a phunyeletsa matlhakore a tlhogo ya gagwe.+
27 O ne a phutlhamela fa gare ga dinao tsa ga Jaele; o ne a wa a bo a namalala;
O ne a phutlhamela fa gare ga dinao tsa ga Jaele a bo a wa;
O ne a wela fa a phutlhametseng gone a fentswe.
28 Mosadi mongwe o ne a leba kwa ntle ka fensetere,
Mmaagwe Sisera o ne a tlhodumela ka letlhabaphefo,
‘Goreng kara ya gagwe e diegile go tla?
Goreng go tiba ga ditlhakwana tsa dikara tsa gagwe go diegile?’+
29 Yo o botlhale thata mo bahumagading ba gagwe o tla mo araba;
Tota le ene o tla ikaraba jaana,
30 ‘Ba tshwanetse ba bo ba kgaoganya dilo tse ba di gapileng,
Motlhabani mongwe le mongwe a newa mosetsana,* basetsana* ba babedi,
Sisera a newa letsela le le fetotsweng mmala, letsela le le fetotsweng mmala,
Seaparo se se kgabisitsweng, letsela le le fetotsweng mmala, diaparo tse pedi tse di kgabisitsweng
Gore e nne tsa melala ya ba ba di gapileng.’
31 Ka jalo, a baba botlhe ba gago ba nyelele,+ Jehofa,
Mme a ba ba go ratang ba nne jaaka fa letsatsi le tlhaba mo kgalalelong ya lone.”
Mme lefatshe le ne la nna mo kagisong dingwaga di le 40.+