Dipesalema

24 Lefatshe ke la ga Jehofa le sengwe le sengwe se se mo go lone,+

Le naga e e ungwang le ba ba nnang mo go yone.

 2 Gonne o le tsepamisitse thata mo mawatleng+

E bile o le agile mo dinokeng.

 3 Ke mang yo o ka tlhatlogelang kwa thabeng ya ga Jehofa,+

E bile ke mang yo o ka emang mo lefelong la gagwe le le boitshepo?

 4 Ke ope fela yo diatla tsa gagwe di se nang molato le yo pelo ya gagwe e leng phepa,+

Yo o sa ikanang ka maaka ka botshelo jwa Me,*

E bile a sa dira maikano ka tsietso.+

 5 O tla amogela masego go tswa mo go Jehofa+

Le tshiamo* go tswa mo Modimong wa gagwe wa poloko.+

 6 Eno ke kokomana ya ba ba mmatlang,

Ya ba ba batlang sefatlhego sa gago, wena Modimo wa ga Jakobe. (Selah)

 7 Tsholetsang ditlhogo tsa lona, lona dikgoro;+

Bulegang,* lona ditswalo tsa bogologolo,

Gore Kgosi e e galalelang e tle e tsene!+

Ke Jehofa, yo o nonofileng le yo o maatla,+

Jehofa, yo o maatla mo tlhabanong.+

 9 Tsholetsang ditlhogo tsa lona, lona dikgoro;+

Bulegang, lona ditswalo tsa bogologolo,

Gore Kgosi e e galalelang e tle e tsene!