Dipesalema

103 Mma ke bake Jehofa;

A sengwe le sengwe se se mo teng ga me se bake leina la gagwe le le boitshepo.

 2 Mma ke bake Jehofa;

E kete le ka motlha nka se lebale dilo tsotlhe tse a di dirileng.+

 3 O itshwarela maleo otlhe a gago+

E bile o fodisa malwetse otlhe a gago;+

 4 O ntsha botshelo jwa gago mo lebitleng+

A bo a go rwesa serwalo sa lorato lwa gagwe lo lo sa kgaotseng le kutlwelobotlhoko.+

 5 O go kgotsofatsa ka dilo tse di molemo+ botshelo jotlhe jwa gago,

Gore o nne o ntse o le mosha jaaka ntsu.+

 6 Jehofa o direla botlhe ba ba gatelelwang+

Tshiamo+ le tshiamiso.

 7 O ne a itsise Moshe ditsela tsa gagwe,+

A itsise Baiseraele ditiro tsa gagwe.+

 8 Jehofa o kutlwelobotlhoko e bile o pelotlhomogi,*+

Ga a galefe ka bonako e bile o na le lorato lo logolo lo lo sa kgaotseng.*+

 9 Ga a kitla a nna a akantse ka diphoso tsa rona,+

E bile ga a kitla a nna a kgopisegile ka bosakhutleng.+

10 Ga a dirisana le rona go ya ka maleo a rona,+

E bile ga a re duela ka se se tshwanelang melato ya rona.+

11 Gonne fela jaaka magodimo a le kwa godimo go feta lefatshe,

Lorato lwa gagwe lo lo sa kgaotseng le lone lo logolo mo go ba ba mmoifang.+

12 Fela jaaka botlhabatsatsi bo le kgakala le bophirimatsatsi,

O beile maleo a rona kgakala le rona fela jalo.+

13 Fela jaaka rre a bontsha bomorwawe kutlwelobotlhoko,

Jehofa o bontshitse ba ba mmoifang kutlwelobotlhoko.+

14 Gonne o itse sentle gore re bopegile jang,+

O gakologelwa gore re lorole.+

15 Fa e le motho ene, malatsi a gagwe a tshwana le a bojang;+

O thunya jaaka lelômô* la naga.+

16 Mme fa phefo e foka, le a nyelela,

Jaaka e kete ga le ise le ko le nne teng.*

17 Le fa go ntse jalo, lorato lwa ga Jehofa lo lo sa kgaotseng ke lwa bosakhutleng*

Mo go ba ba mmoifang,+

Le tshiamo ya gagwe ke ya bosakhutleng mo ditlogolwaneng tsa bone,+

18 Mo go ba ba bolokang kgolagano ya gagwe+

Le ba ba ikemiseditseng go boloka ditaelo tsa gagwe.

19 Setulo sa bogosi sa ga Jehofa se nnetse ruri kwa magodimong;+

Mme bogosi jwa gagwe bo busa sengwe le sengwe.+

20 Bakang Jehofa, lona baengele ba gagwe+ ba ba maatla,

Ba lo diragatsang lefoko la gagwe,+ lo ikobela lentswe la gagwe.*

21 Bakang Jehofa, lona masomosomo otlhe a gagwe,+

Lona badiredi ba gagwe ba ba dirang thato ya gagwe.+

22 Bakang Jehofa, lona lotlhe ditiro tsa gagwe,

Mo mafelong otlhe a a a busang.*