Dipesalema

Pina Ya fa Go Tlhatlogelwa Kwa Motseng.

130 Ke goela kwa go wena ke le mo matshwenyegong a magolo, tlhe Jehofa.+

2 Ao tlhe Jehofa, utlwa lentswe la me.

E kete ditsebe tsa gago di ka reetsa ka tlhoafalo dithapelo tsa me tsa go kopa thuso.

3 Fa o ka bo o ne o lebelela* diphoso, wena Jah,*

Tota ke mang yo o neng a ka falola, wena Jehofa?+

4 Gonne wena o itshwarela ka tsela ya mmatota,+

Gore o tle o tlotlomadiwe.*+

5 Ke solofetse mo go Jehofa, ke solofetse mo go ene ka bojotlhe jwa me;

Ke letela lefoko la gagwe.

6 Ke letetse Jehofa ka tlhoafalo,+

Go feta kafa balebeledi ba letelang moso ka gone,+

Ba ba letelang moso.

7 A Iseraele a nne a letetse Jehofa,

Gonne lorato lwa ga Jehofa ke lo lo sa kgaotseng,+

E bile o na le maatla a magolo a go golola.

8 O tla golola Baiseraele mo diphosong tsotlhe tsa bone.