Dipesalema
115 Ga re tshwanelwe ke sepe Jehofa, ga re tshwanelwe ke sepe,
Mme naya leina la gago kgalalelo+
Ka ntlha ya lorato lwa gago lo lo sa kgaotseng le boammaaruri jwa gago.+
2 Goreng ditšhaba di tshwanetse go re:
“Modimo wa bone o kae?”+
3 Modimo wa rona o kwa magodimong;
O dira sengwe le sengwe se a batlang go se dira.
4 Medingwana ya bone ke selefera le gauta,
Tiro ya diatla tsa motho.+
5 E na le molomo, mme ga e kgone go bua;+
E na le matlho, mme ga e kgone go bona;
6 E na le ditsebe, mme ga e kgone go utlwa;
E na le nko, mme ga e kgone go dupa;
7 E na le diatla, mme ga e kgone go tshwara;
E na le dinao, mme ga e kgone go tsamaya;+
Ga e dire modumo ope.+
8 Batho ba ba e dirang ba tla tshwana fela le yone,+
Le botlhe ba ba e ikanyang ba tla tshwana le yone.+
9 Wena Iseraele, tshepa Jehofa.+
Ke ene thuso ya gago le thebe ya gago.+
10 Lona ditlogolwana tsa ga Arone,+ tshepang Jehofa.
Ke ene thuso ya lona le thebe ya lona.
11 Lona ba lo boifang Jehofa, tshepang Jehofa.+
Ke ene thuso ya lona le thebe ya lona.+
12 Jehofa o a re gakologelwa mme o tla re segofatsa;
O tla segofatsa ditlogolwana tsa Iseraele;+
O tla segofatsa ditlogolwana tsa ga Arone.
13 O tla segofatsa ba ba boifang Jehofa,
Ba babotlana mmogo le ba bagolo.
18 Mme rona re tla baka Jah
Go tloga jaanong le go ya bosakhutleng.
Bakang Jah!*