Dipesalema
Pina Ya fa Go Tlhatlogelwa Kwa Motseng. Pesalema ya ga Dafide.
122 Ke ne ka itumela fa ba ne ba nthaya ba re:
“A re yeng kwa ntlong ya ga Jehofa.”+
2 Mme jaanong dinao tsa rona di eme
Mo teng ga dikgoro tsa gago, wena Jerusalema.+
4 Ditso di tlhatlogetse kwa go one,
Ditso tsa ga Jah,*
Go dumalana le kgakololo e e neilweng Iseraele,
Gore di ntshetse leina la ga Jehofa ditebogo.+
5 Gonne ditulo tsa bogosi tsa katlholo di ne di tlhomilwe gone koo,+
Ditulo tsa bogosi tsa ditlogolwana tsa ga Dafide.+
6 Rapelelang gore Jerusalema e nne le kagiso.+
Ba ba go ratang, wena motse, ba tla sireletsega.
7 E kete go ka tswelela go na le kagiso mo teng ga dithako tsa gago tsa phemelo,*
Go na le pabalesego mo ditoreng tsa gago tse di sireletsegileng.
8 Ka ntlha ya bomorwarre le balekane ba me ke tla re:
“E kete go ka nna le kagiso mo teng ga gago.”
9 Ka ntlha ya ntlo ya ga Jehofa, Modimo wa rona,+
Ke tla go batlela se se molemo.