Dipesalema
Pesalema ya ga Dafide.
28 Ke kopa thuso kwa go wena ka metlha, tlhe Jehofa Lefika+ la me;
O se ka wa intlhokomolosa.
2 Utlwa dikopo tsa me fa ke goela kwa go wena ke kopa thuso
Fa ke tsholeletsa diatla tsa me ntlheng ya phaposi e e kwa tengteng ya lefelo la gago le le boitshepo.+
3 O se ka wa nkgogola mmogo le batho ba ba bosula, le ba ba dirang se se utlwisang botlhoko,+
Ba ba buang le batho ba bangwe mafoko a kagiso mme mo dipelong tsa bone go tletse bosula.+
4 Ba duele go ya ka ditiro tsa bone,+
Go ya ka mekgwa ya bone e e bosula.
Ba neye maduo ka ntlha ya tiro ya diatla tsa bone,
Go ya ka se ba se dirileng.+
O tla ba rutlolola mme ga a kitla a ba aga.
6 A Jehofa a bakwe,
Gonne o utlwile dithapelo tsa me fa ke kopa thuso.
Ke amogetse thuso ya gagwe, mme pelo ya me e a itumela,
Ka jalo, ke tla mmaka ka pina ya me.
8 Jehofa ke nonofo ya batho ba gagwe;
Ke kago e e thata, o tlisetsa motlodiwa wa gagwe poloko e kgolo.+
9 Boloka batho ba gago, mme o segofatse boswa jwa gago.+
Ba dise mme o ba tshole mo mabogong a gago ka bosakhutleng.+