Ditiragalo wa Bobedi

16 Mo ngwageng wa bo36 wa puso ya ga Asa, Kgosi Baasha+ wa Iseraele o ne a tlhasela Juda mme a simolola go aga* Rama,+ gore a thibele motho ope go tswa kgotsa go tsena kwa go* Kgosi Asa wa Juda.+ 2 Foo Asa o ne a ntsha selefera le gauta mo mabolokelamatlotlong a ntlo ya ga Jehofa+ le mo ntlong ya kgosi* mme a di romela kwa go Kgosi Bene-hadade wa Siria,+ yo o neng a nna kwa Damaseko, a re: 3 “Go na le tumalano* fa gare ga me le wena le fa gare ga ga rre le rrago. Ke go romelela selefera le gauta. Tlaa, fedisa tumalano* ya gago le Kgosi Baasha wa Iseraele, gore a tle a ntlogele.”

4 Bene-hadade o ne a reetsa Kgosi Asa mme a romela balaodi ba masole a gagwe gore ba ye go tlhasela metse ya Iseraele, mme ba ne ba kgemetha Ijone,+ Dana,+ Abele-maime le mabolokelo otlhe a metse ya Nafetali.+ 5 E rile Baasha a utlwa ka gone, ka yone nako eo o ne a tlogela go aga* Rama mme a tlogela tiro e a neng a e dira mo go yone. 6 Go tswa foo, Kgosi Asa o ne a tsaya batho botlhe ba Juda, mme ba ne ba tsaya maje le dikota tsa Rama+ tse Baasha a neng a aga ka tsone,+ mme o ne a di dirisa go aga* Geba+ le Misepa.+

7 Ka nako eo, Hanani+ wa mmoni* o ne a tla kwa go Kgosi Asa wa Juda mme a mo raya a re: “E re ka o ile wa ikanya* kgosi ya Siria mme wa se ka wa ikanya* Jehofa, Modimo wa gago, mophato wa masole a kgosi ya Siria o falotse mo seatleng sa gago.+ 8 A Baethiopia le Balibia e ne e se mophato o montsi thata wa masole o o nang le dikara le masole a a tsamayang ka dipitse? Mme e re ka o ile wa ikanya Jehofa, o ne a ba tsenya mo seatleng sa gago.+ 9 Gonne matlho a ga Jehofa a ya kwa le kwa mo lefatsheng lotlhe+ gore a bontshe maatla a gagwe ka go thusa batho ba ba mo direlang ka pelo yotlhe.*+ O dirile ka boeleele mo kgannyeng eno; go tloga jaanong go ya pele o tla lebana le dintwa.”+

10 Le fa go ntse jalo, Asa o ne a kgopisiwa ke se mmoni a neng a se bua mme o ne a mo tsenya mo kgolegelong,* ka gonne o ne a mo galefetse thata ka ntlha ya seo. Mme ka yone nako eo, Asa o ne a simolola go gatelela batho bangwe. 11 Jaanong pego ya botshelo jwa ga Asa, go tswa kwa tshimologong go ya kwa bokhutlong, e kwadilwe mo Bukeng ya Dikgosi Tsa Juda le Tsa Iseraele.+

12 Mo ngwageng wa bo39 wa puso ya gagwe, Asa o ne a simolola go tshwarwa ke bolwetse jwa dinao mme bolwetse joo bo ne jwa gakala; tota le fa a ne a lwala, ga a ka a kopa thuso kwa go Jehofa, go na le moo o ne a ya kwa bathong ba ba fodisang. 13 Go tswa foo, Asa o ne a swa jaaka borraagwemogolo;+ o ne a swa mo ngwageng wa bo41 wa puso ya gagwe. 14 Ka jalo, ba ne ba mo fitlha mo lebitleng le legolo le a neng a le ikepetse mo Motseng wa ga Dafide,+ mme ba ne ba mo latsa mo bolawaneng jwa go tshola setopo jo bo neng bo tladitswe leokwane la balema le le setlôlô+ se se kgethegileng se se dirilweng ka metswako e e farologaneng. Mo godimo ga moo, ba ne ba dira molelo o mogolo ka nako ya phitlho ya gagwe e le go mo tlotla.*