Ditiragalo wa Ntlha

27 Eno ke palo ya Baiseraele, ditlhogo tsa dikgotla tsa bone, baokamedi ba dikete le ba makgolo+ le badiredibagolo ba bone ba ba neng ba direla kgosi+ mo kgannyeng nngwe le nngwe e e amanang le mephato e e neng e tsena le e e neng e tswa kgwedi le kgwedi mo dikgweding tsotlhe tsa ngwaga; mo mophatong mongwe le mongwe go ne go na le ba le 24 000.

2 Mophato wa ntlha wa kgwedi ya ntlha o ne o okametswe ke Jashobeame+ morwa Sabediele, mme mo mophatong wa gagwe go ne go na le ba le 24 000. 3 Go tswa mo go bomorwa Perese,+ ke ene yo e neng e le tlhogo ya baokamedi botlhe ba ditlhopha tse di neng di abetswe go direla mo kgweding ya ntlha. 4 Mophato wa kgwedi ya bobedi o ne o okametswe ke Dodai+ wa Moahohi+ le mophato wa gagwe, mme Mikelothe e ne e le mothusi wa gagwe, mme mo mophatong wa gagwe go ne go na le ba le 24 000. 5 Molaodi wa setlhopha sa boraro se se neng se abetswe go direla ka kgwedi ya boraro e ne e le Benaia+ morwa Jehoiada+ moperesiti yo mogolo, mme mo mophatong wa gagwe go ne go na le ba le 24 000. 6 Benaia yono e ne e le motlhabani yo o maatla wa ba le masome a mararo e bile o ne a okametse bao ba ba masome a mararo, mme mophato wa gagwe o ne o okametswe ke morwawe e bong Amisabade. 7 Molaodi wa bonê wa kgwedi ya bonê e ne e le Asahele,+ morwarraagwe Joabe,+ mme morwawe e bong Sebadia o ne a mo tlhatlhama, mme mo mophatong wa gagwe go ne go na le ba le 24 000. 8 Molaodi wa botlhano wa kgwedi ya botlhano e ne e le Shamehuthe wa Moiserahia, mme mo mophatong wa gagwe go ne go na le ba le 24 000. 9 Wa borataro wa kgwedi ya borataro e ne e le Ira+ morwa Ikeshe wa Motekoa,+ mme mo mophatong wa gagwe go ne go na le ba le 24 000. 10 Wa bosupa wa kgwedi ya bosupa e ne e le Helese+ wa Mopelone wa Baeferaime, mme mo mophatong wa gagwe go ne go na le ba le 24 000. 11 Wa borobedi wa kgwedi ya borobedi e ne e le Sibekai+ wa Mohusha wa Basera,+ mme mo mophatong wa gagwe go ne go na le ba le 24 000. 12 Wa borobongwe mo kgweding ya borobongwe e ne e le Abiesere+ wa Moanathothe+ wa Babenjamine, mme mo mophatong wa gagwe go ne go na le ba le 24 000. 13 Wa bolesome wa kgwedi ya bolesome e ne e le Maharai+ wa Monetofa wa Basera,+ mme mo mophatong wa gagwe go ne go na le ba le 24 000. 14 Wa bo11 wa kgwedi ya bo11 e ne e le Benaia+ wa Mopirathone wa bomorwa Eferaime, mme mo mophatong wa gagwe go ne go na le ba le 24 000. 15 Wa bo12 wa kgwedi ya bo12 e ne e le Heledai wa Monetofa, wa ga Otheniele, mme mo mophatong wa gagwe go ne go na le ba le 24 000.

16 Bano e ne e le baeteledipele ba ditso tsa Iseraele: Wa lotso lwa Barubene e ne e le Eliesere morwa Sikeri; wa lotso lwa Basimeone e ne e le Shefatia morwa Maaka; 17 wa lotso lwa ga Lefi e ne e le Hashabia morwa Kemuele; wa ditlogolwana tsa ga Arone e ne e le Sadoke; 18 wa lotso lwa ga Juda e ne e le Elihu,+ mongwe wa bomorwarraagwe Dafide; wa lotso lwa ga Isakare e ne e le Omeri morwa Mikaele; 19 wa lotso lwa ga Sebulone e ne e le Ishemaia morwa Obadia; wa lotso lwa ga Nafetali e ne e le Jerimothe morwa Asariele; 20 wa Baeferaime e ne e le Hoshea morwa Asasia; wa halofo ya lotso lwa ga Manase e ne e le Joele morwa Pedaia; 21 wa halofo ya lotso lwa ga Manase kwa Gileade e ne e le Ido morwa Sekarea; wa lotso lwa ga Benjamine e ne e le Jaasiele morwa Abenere;+ 22 wa lotso lwa ga Dana e ne e le Asarele morwa Jerohame. Tseno e ne e le dikgosana tsa ditso tsa Iseraele.

23 Dafide ga a a ka a bala ba ba nang le dingwaga tse 20 le go ya kwa tlase, ka gonne Jehofa o ne a solofeditse gore o tla dira gore Baiseraele ba nne bantsi jaaka dinaledi tsa magodimo.+ 24 Joabe morwa Seruia o ne a simolotse go bala batho, le fa go ntse jalo o ne a se ka a fetsa; mme Modimo o ne a galefela Iseraele* ka ntlha ya go bo batho ba badilwe,+ mme palo eo e ne ya se ka ya tsenngwa mo pegong ya ditiragalo tsa metlha ya ga Kgosi Dafide.

25 Asamafetha morwa Adiele o ne a okametse mabolokelamatlotlo a kgosi.+ Jonathane morwa Usia o ne a okametse mabolokelo* a a kwa nageng, mo metseng, mo metsaneng le mo ditoreng. 26 Eseri morwa Kelube o ne a okametse badiri ba ba neng ba lema kwa masimong. 27 Shimei wa Morama o ne a okametse masimo a morara;* Sabedi wa Moshifime ene o ne a okametse maungo a a tswang kwa masimong a morara o o dirang beine. 28 Baale-hanane wa Mogedere o ne a okametse masimo a motlhware le ditlhare tsa mosikamore+ tse di neng di le kwa Shefela;+ Joashe o ne a okametse mabolokelo a leokwane. 29 Shiterai wa Mosharona o ne a okametse metlhape e e neng e fula kwa Sharona,+ mme Shafate morwa Adelai o ne a okametse metlhape e e neng e le mo mabaleng a a kwa tlase. 30 Obile wa Moishemaele o ne a okametse dikamela; Jehedeia wa Momeronothe o ne a okametse ditonki.* 31 Jasise wa Mohagere o ne a okametse matsomane. Bano botlhe e ne e le baokamedi ba dithoto tsa ga Kgosi Dafide.

32 Jonathane+ yo e leng setlogolo sa ga Dafide, e ne e le mogakolodi, monna yo o tlhaloganyang e bile e le mokwaledi, mme Jehiele morwa Hakemoni o ne a tlhokomela bomorwa kgosi.+ 33 Ahitofele+ e ne e le mogakolodi wa kgosi, mme Hushai+ wa Moareka e ne e le tsala* ya kgosi. 34 Ahitofele o ne a latelwa ke Jehoiada morwa Benaia+ le Abiathare;+ mme Joabe+ e ne e le molaodi wa masole a kgosi.