Dipesalema

Go mokaedi; e opelwe le diletswa tsa megala. Pesalema ya ga Dafide.

61 Ao tlhe Modimo, utlwa selelo sa me sa go kopa thuso.

A ko o reetse thapelo ya me ka kelotlhoko.+

2 Ke tla goela kwa go wena ke le kwa mafelelong a lefatshe

Fa maikutlo a me a le kwa tlase.+

Nkise kwa lefikeng le le kwa godimo go mpheta.+

3 Gonne o botshabelo jwa me,

Tora e e nonofileng e e ntshireletsang mo mmabeng.+

4 Ke tla nna moeng mo tenteng ya gago ka bosakhutleng;+

Ke tla tshabela ka fa tlase ga diphuka tsa gago.+ (Selah)

5 Gonne Modimo wa me, o utlwile maikano a me.

O nneile boswa jo o bo nayang batho ba ba boifang leina la gago.+

6 O tla oketsa botshelo* jwa kgosi ka malatsi a mangwe,+

Mme dingwaga tsa gagwe di tla tswelela go tswa kokomaneng go ya kokomaneng.

7 O tla nna mo setulong sa bogosi ka bosakhutleng fa pele ga Modimo;+

Mo neye* lorato lo lo sa kgaotseng o bo o mo direle ka boikanyegi, gore dilo tseno di tle di mo sireletse.+

8 Foo ke tla opelela* leina la gago dipako ka bosakhutleng+

Fa ke ntse ke diragatsa maikano a me letsatsi le letsatsi.+