Dipesalema
Go mokaedi. Pina ya ga Dafide.
13 Ao tlhe Jehofa, o tla ntebala ka lobaka lo lo kae? Ka bosakhutleng?
O tla mphitlhela sefatlhego sa gago ka lobaka lo lo kae?+
2 Ke tla nna ke tlhobaela ka lobaka lo lo kae,
Ke hutsafetse mo pelong letsatsi le letsatsi?
Mmaba wa me o tla mphenya ka lobaka lo lo kae?+
3 Ntebe o bo o nkarabe, tlhe Jehofa, Modimo wa me.
Dira gore matlho a me a nne le lesedi, gore ke se ka ka robala mo losong,
4 Gore mmaba wa me a se ka a re: “Ke mo fentse!”
O se ka wa letla gore baganetsi ba me ba itumelele go bo ke ole.+
5 Mme nna, ke ikantse lorato lwa gago lo lo sa kgaotseng;+
Pelo ya me e tla itumela ka ntlha ya ditiro tsa gago tsa poloko.+
6 Ke tla opelela Jehofa, ka gonne o ntuetse ka tsela e kgolo.*+