Pina ya ga Dafide.
15 Jehofa, ke mang yo o ka lalediwang mo tenteng ya gago?
Ke mang yo o ka nnang mo thabeng ya gago e e boitshepo?+
2 Ke yo o tshelang a se na molato,+
Yo o dirang se se siameng+
E bile a bua boammaaruri mo pelong ya gagwe.+
3 Ga a senye batho maina,+
Ga a direle moagelani wa gagwe sepe se se bosula,+
E bile ga a bue maaka ka ditsala tsa gagwe.+
4 Ga a amogele ope fela yo o dirang dilo tse di bosula,+
Mme o tlotla ba ba boifang Jehofa.
O diragatsa se a se solofeditseng, tota le fa seo se dira gore dilo di se ka tsa mo tsamaela sentle.+
5 Ga a adimise madi a gagwe ka morokotso,+
E bile ga a tseye pipamolomo gore a latofatse batho ba ba se nang molato.+
Ope fela yo o dirang dilo tseno ga a kitla a kgopiwa.+