Dipesalema
94 Ao tlhe Jehofa, wena Modimo yo o ipusolosetsang mo go ba ba bosula,+
Bontsha gore o mang, otlhaya ba ba bosula!
2 Ema, wena Moatlhodi wa lefatshe.+
Naya ba ba mabela tuelo e e ba tshwanetseng.+
3 Ao tlhe Jehofa, batho ba ba bosula ba tla tswelela ka lobaka lo lo kae,
Ba tla tswelela ba itumela ka lobaka lo lo kae?+
4 Ba a balabala e bile ba bua ka mabela;
Badirabosula botlhe ba a ikgantsha.
5 Ba gatelela batho ba gago Jehofa,+
E bile ba bogisa boswa jwa gago.
6 Ba bolaya motlholagadi le motswakwa,
E bile ba bolaya dikhutsana.*
8 Tlhaloganyang seno, lona ba lo se nang tlhaloganyo;
Lona dieleele, a lo tla tsamaya lo nna le temogo?+
9 A Ene yo o dirileng* tsebe, ga a kgone go utlwa?
A Ene yo o bopileng leitlho, ga a kgone go bona?+
10 A Ene yo o otlhayang ditšhaba, ga a kgone go kgalemela?+
Ke Ene yo o nayang batho kitso!+
11 Jehofa o itse dikakanyo tsa batho,
Gore di tshwana fela le mohemo.+
12 Go itumela motho yo o mo otlhayang, wena Jah,+
Yo o mo rutang go tswa mo molaong wa gago,+
13 Gore o mo neye kagiso le tidimalo ka malatsi a masetlapelo,
Go fitlha modirabosula a epelwa khuti.+
15 Gonne katlholo e tla boa e dirwa ka tshiamo gape,
Mme botlhe ba dipelo tsa bone di siameng ba tla e latela.
16 Ke mang yo o tla ntlhabanelang le batho ba ba sa siamang?
Ke mang yo o tla ntwelang le badirabosula?
18 Fa ke ne ke re: “Lonao lwa me lo a relela,”
Lorato lwa gago lo lo sa kgaotseng Jehofa, lo ne lwa nna lo ntshegetsa.+
20 A setulo sa bogosi* sa bonweenwee se ka golagana le wena
Fa se ntse se loga maano a go baka mathata ka leina la molao?*+
22 Le fa go ntse jalo, Jehofa o tla nna lefelo la me la botshabelo le le sireletsegileng,*
Modimo wa me ke lefika le ke tshabelang mo go lone.+
23 O tla dira gore ditiro tsa bone tse di bosula di boele mo go bone.+
O tla ba nyeletsa* ka bosula jwa bone.