Dipesalema
95 Tlang! A re goeleng kwa go Jehofa ka boitumelo.
A re goeng ka boitumelo mme re bake Lefika la rona le le re bolokang.+
2 A re tleng fa pele ga gagwe* re ntshe ditebogo;+
A re goeng ka boitumelo re bo re mo opelele dipako.
3 Gonne Jehofa ke Modimo yo mogolo,
Ke Kgosi e kgolo go feta medimo e mengwe yotlhe.+
4 Mo seatleng sa gagwe go na le dikarolo tse di kwa tengteng tsa lefatshe;
Ditlhoa tsa dithaba ke tsa gagwe.+
6 Tlang, a re mo obameleng re bo re ikobe;
A re khubameng fa pele ga ga Jehofa, Modiri wa rona.+
Fa lo reetsa lentswe la gagwe gompieno,+
8 Lo se ka lwa thatafatsa dipelo tsa lona jaaka kwa Meriba,*+
Jaaka mo letsatsing la kwa Masa* fa lo ne lo le kwa nageng,+
9 Fa borraalonamogolo ba ne ba nteka;+
Ba ne ba nteka, le fa gone ba ile ba bona ditiro tsa me.+
10 Ke ne ka ila kokomana eo dingwaga di le 40, mme ke ne ka re:
“Batho bano ke setšhaba se dipelo tsa sone di nnang di fapoga ka metlha;
Ga ba ise ba itse ditsela tsa me.”
11 Ka jalo, ke ne ka ikana ke galefile ka re:
“Ga ba kitla ba ikhutsa mo letsatsing la me la boikhutso.”+