Tshenolo e e Yang Kwa go Johane

15 Mme ke ne ka bona sesupo se sengwe kwa legodimong, se le segolo e bile se gakgamatsa, baengele ba le supa+ ba tshwere dipetso tse supa. Tseno ke tsa bofelo, ka gonne bogale jwa Modimo bo wediwa ka tsone.+

2 Mme ke ne ka bona sengwe se se neng se tshwana le lewatle la galase+ le tlhakane le molelo, mme ba ba fentseng+ sebatana le setshwantsho sa sone+ le palo e e tsamaisanang le leina la sone+ ba ne ba eme gaufi le lewatle la galase, ba tshotse diharepa tse di tswang kwa Modimong. 3 Ba ne ba opela pina ya ga Moshe+ motlhanka wa Modimo le pina ya Kwana,+ ba re:

“Ditiro tsa gago di dikgolo e bile di a gakgamatsa,+ wena Jehofa* Modimo, Mothatayotlhe.+ Ditsela tsa gago di siame e bile di boammaaruri,+ Kgosi ya bosakhutleng.+ 4 Jehofa,* e re ka wena o le esi o ikanyega, tota ke mang yo o ka se kang a go boifa a bo a galaletsa leina la gago?+ Gonne ditšhaba tsotlhe di tla tla di bo di obama fa pele ga gago,+ ka gonne dikatlholo tsa gago tse di siameng di senotswe.”

5 Morago ga seno ke ne ka bona lefelo le le boitshepo la tente ya dikgakololo tsa Modimo+ kwa legodimong mme le ne la bulwa,+ 6 mme baengele bao ba ba supa ba ba tshwereng dipetso tse supa+ ba ne ba tswa mo lefelong le le boitshepo, ba apere diaparo tse di phepa, tse di phatsimang e bile ba ipofile ka meitlamo ya gauta mo dihubeng. 7 Sengwe sa ditshedi tse nnê se ne sa naya baengele bao ba ba supa dikotlele tse dinnye tse supa tsa gauta tse di neng di tletse bogale jwa Modimo+ yo o tshelang ka bosakhutleng le go ya go ile. 8 Mme lefelo le le boitshepo le ne la tlala mosi ka ntlha ya kgalalelo ya Modimo+ le ka ntlha ya maatla a gagwe, mme go ne go se na ope yo o neng a kgona go tsena mo lefelong le le boitshepo go fitlha dipetso tse supa+ tsa baengele ba ba supa di wediwa.