Dipesalema
Pina Ya fa Go Tlhatlogelwa Kwa Motseng.
123 Ke tsholeletsa matlho a me kwa go wena,+
Wena yo o ntseng mo setulong sa bogosi kwa magodimong.
2 Fela jaaka matlho a batlhanka a leba kwa seatleng sa mong wa bone,
Le matlho a lelata a leba kwa seatleng sa mohumagadi wa lone,
Le rona matlho a rona a leba kwa go Jehofa, Modimo wa rona+
Go fitlha a re utlwela botlhoko.+
3 Re utlwele botlhoko tlhe Jehofa, re utlwele botlhoko,
Gonne re nyaditswe fela thata.+
4 Re lapisitswe ke go kgobiwa ke batho ba ba itshepang thata,
Le ke go nyadiwa ke ba ba ikgodisang.