Tsebe 2

“MO E ka nnang nngwetlhanong ya baagi ba lefatshe ke batho ba basha ba ba nang le dingwaga tse di leng magareng ga 15 le 24.” UN Chronicle e ne ya bega jalo. Go ile ga lekanyediwa gore mo masimologong a lesome leno le lesha la dingwaga, baagi ba lefatshe bao eleng basha ba fitlheletse palo ya dimilione di le sekete! Basha ba gompieno ba bonwa ke mang le mang—setlhopha se se maatla seo se se kakeng sa itlhokomolosiwa.

Psychology Today e ne ya bega malebana le patlisiso nngwe e e dirilweng mo basheng ba le 6 000 ba kwa mafatsheng a le lesome a a farologaneng. Go ile ga fitlhelwa gore go sa kgathalesege dipharologanyo tseo di leng teng mo maemong a tsa itsholelo le mo setsong, basha ba bontsha maikutlo le ditekanyetso tsa boitshwaro tseo “di tshwanang ka tsela e e gakgamatsang.” Go tswa mo go tsone dipatlisiso tsa go nna jalo, go tlhagile setshwantsho seo se emelang lefatshe lotlhe sa basha ba gompieno, mme seo se se bontshang se ka nna sa go gakgamatsa thata.