Tiragalo Eo O Sa Tshwanelang go E Fosa

“Dihañ mo, lo nkgopolè ka gōna.” Mafoko ao a Morena wa rona Jesu Keresete, ao a fitlhelwang mo go Luke 22:19, a ne a buiwa ka nako ya fa a ne a simolola segopotso sa loso lwa gagwe. Ke loso lwa ga Jesu loo lo neng lwa dira gore batho ba kgone go nna ba lebeletse go bona botshelo jo bo sa khutleng mo maemong a Paradaise. Ka jalo loso lwa gagwe ke selo seo re tshwanetseng ra se gakologelwa. A o tla keteka segopotso sa lone monongwaga?

Tsweetswee amogela taletso eno go tswa go Basupi ba ga Jehofa ya gore o nne le bone mo go gakologelweng tiragalo eno e e botlhokwa. Mokete ono o tla nna morago ga phirimane ka letsatsi leo le tsamaisanang sentle le Nisane 14 mo khalendareng ya Bibela ya ngwedi. Tshwaya letlha leno mo khalendareng ya gago gore o se ka wa le lebala. Ke ka Matlhatso, March 30, 1991. Motho yo o go nayang taletso eno o ka nna a go bolelela lefelo leo pokano e tshwarelwang mo go lone le nako ya yone.