E ne ya Fokotsa Fela Thata go Tlhakanela Dikobo le Yole le Yole

Mogakolodi mongwe kwa yunibesithing nngwe kwa Oklahoma, U.S.A., o ne a bega gore buka e go tweng Dipotso tse Basha ba di Botsang—Dikarabo Tse Di Nang le Tharabololo e dirile se se fa godimo. Mogakolodi mongwe kwa Yunibesithi ya Langston o ne a kwala jaana:

“Ke gakolola mongwe le mongwe yo o dirisanang le basha ba dingwaga tse di fa gare ga 13 le 18 go dirisa buka eno. E tlhalosa tlhakanelodikobo ka tsela e baithuti ba rona ba tlhokang go e itse ka yone gore ba tle ba kgone go emelana le mathata a gompieno a botshelo jo bo raraaneng. Go ya kafa ke ileng ka lemoga ka teng e ba thusa gore ba itse gore go tla diragalang fa ba nna matlhomatlho. E ba ruta ka malwetsi a a farologaneng a a tshelanwang ka tlhakanelodikobo jaaka AIDS, thosola, makhwekhwenene le rasephiphi.

“Fa o batla go tlhakanela dikobo, e go supetsa kafa o tshwanetseng go tlhopha molekane a le mongwe fela wa botshelo jotlhe, mme e tlotla boitshepo jwa lenyalo. Ke itumeletse thata go dirisa buka eno. E ama matshelo a ba ba e dirisang. Ke ne ka lemoga gore palo ya makgarejwana a a mo thulaganyong ya rona ya ba ba neng ba nna ba imana e ne ya fokotsega fela thata morago ga go simolola go e dirisa.”

Fa o batla go amogela sekaelo sa Dipotso tse Basha ba di Botsang—Dikarabo Tse Di Nang le Tharabololo kana o batla thuto ya legae ya Bibela ya mahala, tsweetswee kwalela kwa go Watch Tower, Private Bag X2067, Krugersdorp, 1740, kana kwa go nngwe ya diaterese tse di tshwanetseng tse di mo tsebeng ya 5.