O ne a Kgatlhega Tota

Mosadi mongwe yo mmotlana fa a ne a le mo tereneng e e tsamayang kafa tlase kwa New York ngogola ka dikgakologo, o ne a bala buka Tshenolō—Konelo ya Yone e e Molemolemo e Atametse! Monna yo o neng a ntse fa thoko ga gagwe o ne a bona buka eno, mme, o ne a kgatlhiwa ke ditshwantsho tsa yone fa a ntse a phutholola ditsebe tsa yone. “Ao, buka eo eleruri e lebega e kgatlhisa!” o ne a bua jalo.

“Ee, e fela jalo,” mosadi o ne a araba. “E tlhalosa buka ya Bibela ya Tshenolō, kgaolo ka kgaolo.”

“Nka bona jang nngwe ya tsone?” monna o ne a batla go itse.

“Mo Basuping ba ga Jehofa,” mosadi a araba. Mme o ne a tswelela jaana: “O a itse gore ke eng, sekaelo se ke se tshotseng seno se sesha, mme ke $3 [R7,50] fela, jalo o ka nna wa se itseela.”

O ne a ntsha madi ka bonako fela mo kgetseng mme a amogela buka. Ka yone nako eo, terena e ne ya ema, mme o ne a tswa ka bonako.

Buka eno e e kgatlhisang ya khabara e e thata, ya bogolo jwa tsebe ya makasine ono, e tlhatlhoba buka yotlhe ya Bibela ya Tshenolō temana ka temana. E tlhalosa ka phepafalo, ka mo go utlwalang dibatana, kgogela, seaka se segolo, le dikarolo tse dingwe gape tsa tshwantshetso tsa Tshenolō. O ka bona bokao jwa yone mo metlheng ya segompieno. E otore gompieno.

Tswee tswee, nthomelelang, buka ya ditsebe tse 320 Tshenolō—Konelo ya Yone e e Molemolemo e Atametse! Ke tsenya