“Ke Ka Ntlha Yang Fa Masea A Swa?”

Ke seo lelapa lengwe leo le neng la swelwa ke bana ba babedi ba bannye le neng le batla go se itse. Monna mongwe go tswa kwa Willowick, kwa Ohio, kwa U.S.A., o ne a tlhalosa jaana:

“Bosheng jaana, balesika la me ba ne ba diragalelwa ke masetlapelo tota. Kgaitsadiake o ne a swelwa ke bana ba babedi ba bannye mo kotsing e e maswe tota ya koloi. Gone ke boammaaruri, lelapa lotlhe le ne le utlwile botlhoko tota ebile go se se ba ka se dirang. Moruti wa bone wa Mo-Baptist ga a ka a ba gomotsa ka sepe se se tswang mo Dikwalong. O ne a bolela fela gore, ‘E ne e le thato ya Modimo’ le gore, ‘Modimo o ne o tlhoka baengele ba ba oketsegileng.’

“Lemororo go ne go sena nako e ntsi ya gore motho a ka batlisisa, ke ne ka tsaya buka ya Go Fetolana ka Dikwalo mme ka bula setlhogo ‘Ke goreng masea a swa?’ Mo malatsing le dibeke tse di neng tsa latela, nna le mosadi wa me re ne ra kgona go naya balosika lwa rona dikarabo tsa boammaaruri tsa dipotso tse dintsi tse ba neng ba di botsa, jaaka, ‘Ke ka ntlha yang fa masea a swa?’ ‘A Modimo o rata go tsaya bana mo batsading ba bone?’ mme e e botlhokwa go gaisa, ‘A go na le tsholofelo ya gore bana ba ba rategang bano ba tla bonwa gape?’ Batsadi ba me ba boletse gore ba tla rata go tla kwa Holong ya Bogosi mo isagweng.”

Go Fetolana ka Dikwalo e na le ditlhogo tse di fetang 70. Di akaretsa “Loso,” “Dihele,” “Moya,” “Go Gapiwa,” “Go Tsalwa ka Mmele O Mosha,” “Bonna le Bosadi,” “Tirisa-Badimo,” le tse dingwe tse dintsi. Index ya yone ya ditsebe tse supa mmogo le ya dikwalo e ka go thusa go bona dikarabo ka bonako. Tlatsa o bo o romele foromonyana e e fa tlase eno gore o ke o amogele sekaelo sa yone.

Ke rata go amogela buka ya khabara e e thata ya ditsebe tse 448 Go Fetolana ka Dikwalo. (Kwa ntle ga Repaboliki ya Afrika Borwa, kwalela lekala la Watch Tower la mo lefelong la lona go bona tshedimosetso. Bona tsebe 2.)