Dikitsiso

◼ Dibuka tse di tla dirisiwang ka February: O Ka Tshelela Ruri mo Lefatsheng la Paradaise ka moneelo wa R9,00. Dibuka tse dipotlana ke R4,50. March: Dipotso Tse Basha Ba Di Botsang—Dikarabo Tse Di Nang le Tharabololo ka moneelo wa R4,50. April le May: Peeletso ya Tora ya Tebelo ka moneelo wa R19,00 mo go tse di tswang gabedi ka kgwedi. Peeletso ya ngwaga mo go tse di tswang gangwe ka kgwedi kana peeletso ya kgwedi tse thataro mo go tse di tswang gabedi ka kgwedi ke R9,50.

◼ Mokwaledi le molebedi wa tirelo ba tshwanetse go tlhatlhoba tiro ya babulatsela botlhe ba ka metlha. Fa e le gore go na le bangwe ba ba sa kgoneng go tshwara diura tse di tshwanetseng, bagolwane ba tshwanetse gore ba dire thulaganyo ya gore ba fiwe thuso. Go bona dikakantsho malebana le seno, sekasekang lekwalo la Mokgatlho (S-201) la October 1, 1993, le la October 1, 1992. Bonang gape le tsenyeletso ya Tirelo ya Rona ya Bogosi ya August 1986 mo dirapeng 12-20.

◼ Mokete wa Segopotso o tla nna ka Matlhatso, March 26, 1994. Le mororo puo e ka nna ya simololwa go sa le pelenyana, tsweetswee gakologelwang gore go tsamaisiwa ga senkgwe le beine ya Segopotso go se simololwe pele ga letsatsi le phirima. Botsang mo bathong ba lefelo la lona go tlhomamisa gore letsatsi le phirima leng tota. Go se nne dipokano dipe fela tse dingwe tse di tla tshwarwang mo letsatsing leo fa e se tsa tirelo ya tshimo fela. Fa e le gore phuthego ya lona ka gale le gale e tshwara dipokano tsa yone ka Matlhatso, lo ka dira gore lo di fudusetse kwa letsatsing le lengwe fa gare ga beke fa e le gore lo ka kgona go bona Holo ya Bogosi.

◼ March le April di tla nna dikgwedi tse pedi tse di kgethegileng tsa tirelo ya tshimo. E re ka jaana go na le malatsi a boikhutso a botlhe a le mmalwanyana ka April, eno e tla bo e le kgwedi e e siameng sentle go ka nna mmulatsela yo o thusang. Re rata go fitlha tlhoreng e ntšha ya babulatsela ba ba thusang ka April. Baboledi ba ba eletsang go nna babulatsela ba ba thusang ka March kana April kana tsoopedi, ba tshwanetse go ipaakanyetsa gone jaanong le go tlisa makwalokopo a bone go sa le nako. Seno se tla thusa bagolwane gore ba dire dithulaganyo tse di tlhokegang tsa tirelo ya tshimo le gore ba nne le dibuka tse di lekaneng sentle.