Dikitsiso

◼ Dikgatiso tse di tsamaisiwang ka January: Monna yo Mogolo go Gaisa Botlhe Ba Ba Kileng Ba Tshela ka moneelo wa R10,50. February: Go Dira Botshelo jwa Lelapa la Gago go Itumedisa ka moneelo wa R3,50 kana Tshenolō—Konelo ya Yone e e Molemolemo e Atametse! ka moneelo wa R10,50. March: Kitso E E Isang Botshelong Jo bo Sa Khutleng ka moneelo wa R3,50. April: Peeletso ya Tora ya Tebelo ya ngwaga e e tlang ka poso ka moneelo wa R38,00 mo dikgatisong tse di tswang gabedi ka kgwedi. Peeletso ya ngwaga mo dikgatisong tse di tswang gangwe ka kgwedi kana peeletso ya dikgwedi tse thataro mo dikgatisong tse di tswang gabedi ka kgwedi ke R19,00. Dipeeletso tsa tlelapa ke R24,00 mme tse dingwe ke R12,00. Dira maiteko a a kgethegileng go tsamaisa dimakasine fa mpho e ganwa.

◼ Diphuthego di tshwanetse go dira dithulaganyo tse di tshwanetseng tsa go keteka Segopotso monongwaga ka Labobedi, April 2, fa letsatsi le sena go phirima. Lefa phuthego nngwe le nngwe e ka tswa e eletsa go itshwarela Segopotso sa yone, ga se ka metlha seno se ka kgonegang. Koo go nang le diphuthego di le mmalwa tse di dirisang Holo e le nngwe ya Bogosi, gongwe phuthego e le nngwe kana tse di oketsegileng di ka bona lefelo le lengwe mo maitseboeng ao. Segopotso ga se a tshwanela go simologa maitseboa thata mo e leng gore batho ba ba sa tswang go kgatlhega ba go fitlhela go le thata gore ba nne teng. Mo godimo ga moo, thulaganyo ga e a tshwanela go pitlagana thata mo e leng gore ga go na nako ya go dumedisa baeng, go dira dithulaganyo tsa go thusa ba bangwe mo go oketsegileng semoyeng, kana go kgothatsana fela. Fa bagolwane ba sena go sekaseka mabaka ano otlhe ka botlalo, ba tshwanetse go dira tshwetso ya gore ke dithulaganyo dife tse di tla nnang mosola thata go thusa batho ba ba tla nnang teng mo Segopotsong gore ba tle ba solegelwe molemo ka botlalo mo moketeng ono.

◼ Puo ya phatlalatsa e e kgethegileng ya nako ya Segopotso sa 1996 e tla neelwa ka Sontaga ka April 21. Setlhogo sa puo e tla bo e le “Go Nna o Sena Selabe mo Gare ga Losika lo lo Kgopo.” Lo tla fiwa aotlelaene. Diphuthego tse di tla bong di etetswe ke molebedi wa potologo, di na le kopano ya potologo, kana kopano e e kgethegileng ya letsatsi le le lengwe mo mafelobekeng ao di tla nna le puo e e kgethegileng mo bekeng e e latelang. Ga go na phuthego epe e e tshwanetseng gore e nne le puo e e kgethegileng pele ga April 21.

◼ Go tloga ka February mme e seng morago ga March 3, puo e ntšha ya phatlalatsa ya balebedi ba potologo e tla bo e le “Phuthego e e Ikanyegang e e Eteletsweng Pele ke Keresete.”

◼ Go simologa ka April 29, 1996, go tla bo go balwa buka ya Kitso E E Isang Botshelong Jo bo Sa Khutleng kwa Thutong ya Buka ya Phuthego.

◼ TSWEETSWEE ELANG TLHOKO: Ga go tlhole go babalesegile go romela madi mo Mokgatlhong ka go a rejesetara mo posong. Ga go na madi ape a a tla duelwang fa lekwalo kana diteng tsa lone di latlhega. Go botoka go romela madi ka bank transfer (Lo ka otara foromo ya M-65 mo Mokgatlhong), tšheke, kana postal order. E tshwanetse ya romelwa ka madi a poso a a tshwanetseng a e leng disente di le 60 gone jaanong. Fa e le gore lo tshwanetse gore lo romele madi (a dipampiri) he lo a romele ka poso e e enshorilweng. Lefa gone e tura thata, ke yone tsela e e babalesegileng thata fa lo romela madi ka poso. Lekwalo le le enshorilweng le tshwanetse go isiwa kwa khaontareng ya Kantoro ya Poso gore tlereke e kgone go bona tlhwatlhwa ya lone.

◼ Re batla go gakolola bagolwane gore ba neye mmoledi mongwe le mongwe yo o sa tswang go kolobediwa khopi ya tsenyeletso ya Tirelo ya Rona ya Bogosi e e boeleditsweng ya June 1992 le March 1993. Ditsenyeletso tseno di tshwanetse go otariwa go tswa mo Mokgatlhong ka foromo ya S-AB-14.