Dikitsiso

◼ Dikgatiso tse di tla dirisiwang ka February: E ka nna ya nna buka ya Go Dira Botshelo Jwa Lelapa la Gago go Itumedisa ka moneelo wa R3,50 kana Tshenolō—Konelo ya Yone e e Molemolemo e Atametse! ka moneelo wa R10,50. March: Kitso E E Isang Botshelong Jo bo Sa Khutleng ka moneelo wa of R3,50. April le May: Peeletso ya Tora ya Tebelo ya ngwaga ka moneelo wa R38,00 mo dikgatisong tse di tswang gabedi ka kgwedi. Peeletso ya ngwaga ya dikgatiso tse di tswang gangwe ka kgwedi kana peeletso ya dikgatiso tse di tswang gabedi ka kgwedi ya dikgwedi tse thataro ke R19,00. Dipeeletso tsa tlelapa ke R24,00 mme tse dingwe ke R12,00. Dirang maiteko a a kgethegileng go tsamaisa dikhopi tsa dimakasine fa mpho e ganwa.

◼ Mokwaledi le molebedi wa tirelo ba tshwanetse go tlhatlhoba tiro ya babulatsela botlhe ba ka metlha. Fa go na le bape ba ba nang le bothata jwa go fitlhelela diura tse di batlegang, bagolwane ba tshwanetse go dira dithulaganyo tsa gore ba thusiwe. Boeletsang dintlha tse di mo dirapeng tsa 12-20 tsa tsenyeletso ya Tirelo ya Rona ya Bogosi ya August 1986.

◼ Mokete wa Segopotso o tla tshwarwa ka Labobedi, April 2, 1996. Lefa puo e ka simololwa pele ga letsatsi le phirima, tsweetswee gakologelwang gore go fetisiwa ga senkgwe le beine ya Segopotso ga go a tshwanela go simolola pele ga letsatsi le phirima. Botsang ba ba dirisanang le gone mo lefelong la lona go tlhomamisa gore letsatsi le tla phirima leng. Ga go a tshwanela go tshwarwa dipokano dipe ka letlha leo fa e se fela tsa tirelo ya tshimo. Fa e le gore phuthego ya lona e tlwaetse go tshwara dipokano ka Labobedi, lo ka nna lwa di fetola gore di tshwarwe ka letsatsi le lengwe la beke fa e le gore lo ka kgona go dirisa Holo ya Bogosi.

◼ Baboledi ba ba batlang go nna babulatsela ba ba thusang ka March, April le May ba tshwanetse go dira dithulaganyo tsa bone gone jaanong mme ba bo ba tsenya diforomo tsa bone go sa le gale. Seno se tla thusa bagolwane gore ba dire dithulaganyo tse di tlhokegang tsa tirelo ya tshimo le go nna le dimakasine le dikgatiso tse dingwe tse di lekaneng.

◼ Ka April 20, 1996, e tla bo e le Letsatsi la rona le le kgethegileng la ngwaga le ngwaga la Dimakasine. Mo nakong e e fetileng ba le bantsi ba ile ba itumelela go nna le seabe mo ditirong tsa Letsatsi le le kgethegileng la Dimakasine. Ke eng fa o sa simolole gone jaanong gore o tle o nne le seabe ka botlalo monongwaga? Diphuthego di tshwanetse go romela diotara tse di kgethegileng tsa dimakasine ka bonako jo bo kgonegang.

◼ Diphuthego di tshwanetse go simolola go otara 1996 Yearbook of Jehovah’s Witnesses le diotara tsa tsone tsa dibuka ka February. 1996 Yearbook e tla bo e le gone ka Seesemane, Sefora, Segerika, Sentadiana, Sepotokisi le Sezulu. Dibuka tseno di tla tlhaga e le “Back Ordered” mo ditshupamolatong tsa phuthego go fitlhela di nna teng le go romelwa. Di-Yearbook ke dilwana tsa setoko se se laolwang mme molato wa tsone o tla tsenngwa mo akhaontong ya dibuka nngwe le nngwe ya tsone e le R5,60. Batho ba e setseng e le babulatsela ka dikgwedi tse di fetang tse thataro ba ka iponela khopi ya mahala e phuthego e tla kopang phokoletso ya yone. Babulatsela ba ka iponela dikhopi tse di oketsegileng ka R3,70 e le nngwe.

◼ Dikgatiso Tse Disha Tse di Leng Teng:

Basupi ba ga Jehofa le Thuto (phuthego le batho botlhe: R1,00; babulatsela: R0,70)—Seburu, Sechichewa, Seesemane, Sefora, Segerika, Sejeremane, Sentadiana, Sepedi, Sepotokisi, Seshona, Sesotho, Setsonga, Setswana, Sevenda, Sexhosa, Sezulu

Bolumo ya Tora ya Tebelo ya 1951 e e gatisitsweng gape (phuthego, batho botlhe, le babulatsela: R22,00)—Seesemane

Kitso E E Isang Botshelong Jo bo Sa Khutleng (phuthego le batho botlhe: R3,50; babulatsela: R2,65)—Seburu, Se-Chichewa, Se-Croatia, Sedatšhe, Seesemane, Sefora, Segerika, Se-Hungary, Sejeremane, Sentadiana, Sepedi, Sepolishe, Sepotokisi, Se-Russia, Se-Serbia, Seshona, Sesotho, Setšhaena, Setsonga, Setswana, Sevenda, Sexhosa, Sezulu

New World Translation of the Christian Greek Scriptures (phuthego le batho botlhe: R5,60; babulatsela: R3,70)—Sesotho, Sexhosa

◼ Dikgatiso Tse Disha Tse di Leng Teng Tsa Mokwalo wa Difofu:

Basupi ba ga Jehofa le Thuto (bolumo e le nngwe)—Grade-two English

Kitso E E Isang Botshelong Jo bo Sa Khutleng (dibolumo tse pedi)—Grade-two English