Dikgang Tsa Puso ya Modimo

Afrika Borwa: Ka February, March, April, le June go ne ga neelwa Diholo tsa Bogosi tse thataro tse di latelang: Belhar (Cape), Botshabelo South (Free State), Gaborone South, George South, Phokeng (Rustenburg), le Umtata Central.

Ka ntlha ya meneelo e lo e ntshang ka bopelotshweu kgwedi le kgwedi lo e ntshetsa Letlole la Mokgatlho la Kago ya Diholo Tsa Bogosi, diphuthego tse di umakilweng fa godimo di kgonne go adima madi mo Mokgatlhong gore di age Diholo tsa tsone tsa Bogosi. E re ka go aga go ntse go ja madi a mantsi kgwedi le kgwedi, moneelo o lo o ntshang ka metlha lo o ntshetsa letlole leno o tla anaanelwa e le gore go thusiwe diphuthego tse di fetang 300 tseo di santseng di tlhoka diholo.