Dikitsiso
◼ Mpho ya buka ka December: Kitso E E Isang Botshelong Jo bo Sa Khutleng ka moneelo wa R5,00 buka ya khabara e e thata le R3,75 ya khabara e e seng thata. January: Monna Yo Mogolo go Gaisa Botlhe Ba Ba Kileng Ba Tshela ka moneelo wa R15,00 kana Matsapa a a Tserweng ke Motho go Batla Modimo ka moneelo wa R7,50. February: Sephiri sa Boitumelo mo Lelapeng ka moneelo wa R5,00 buka ya khabara e e thata le R3,75 ya khabara e e seng thata kana nngwe le nngwe ya dibuka tsa bogologolo tsa ditsebe di le 192 tse lo nang le tsone mo setokong ka moneelo wa R1,00. March: Kitso E E Isang Botshelong Jo bo Sa Khutleng ka moneelo wa R5,00 buka ya khabara e e thata le R3,75 ya khabara e e seng thata kana nngwe le nngwe ya dibuka tsa bogologolo tsa ditsebe di le 192 tse lo nang le tsone mo setokong ka moneelo wa R1,00. Go tla dirwa maiteko a a kgethegileng go simolola dithuto tsa magae tsa Baebele ka buka ya Kitso.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka December 1 kana ka bonako jo bo kgonegang morago ga foo. Fa seno se dirilwe, itsise phuthego morago ga gore go balwe pego e e latelang ya diakhaonto.
◼ Segopotso mo ngwageng wa 2000 se tla nna ka Laboraro, April 19, fa letsatsi le sena go phirima. Kitsiso eno e dirwa go sa le gale gore bakaulengwe ba kgone go dira dithulaganyo tse di tlhokegang kana ba hire diholo tse dingwe fa go na le diphuthego di le mmalwa tse di tla dirisang Holo ya Bogosi mme go tshwanetse ga batlwa mafelo a mangwe. Bagolwane ba tshwanetse ba dumalana le batsamaisi go tlhomamisa gore ga go na go nna le ditiro tse dingwe tse di kgoreletsang tse di tla bong di dirwa mo kagong eno e le gore Segopotso se ka tshwarwa ka kagiso le ka tsela e e rulaganyeng. Ka ntlha ya botlhokwa jwa tiragalo eno, fa setlhopha sa bagolwane se abela mongwe go neela puo ya Segopotso, se tshwanetse sa tlhopha mongwe wa bagolwane ba ba tshwanelegang sentle e seng go refosanya fela kana go dirisa mokaulengwe a le mongwe ngwaga le ngwaga. Ntle le fa go na le mogolwane yo o nang le bokgoni e le motlodiwa yo o ka kgonang go neela puo.
◼ E re ka kgwedi ya January e na le mafelobeke a le matlhano, ke nako e e molemo ya gore ba le bantsi ba tseye bobulatsela jo bo thusang.