Dikgang Tsa Puso ya Modimo

◼ Afrika Borwa: Mo dikgweding tse pedi tsa bofelo tsa ngwaga wa tirelo wa 1999, go ne ga neelwa Diholo Tsa Bogosi di le 17. Di le robongwe tsa diholo tseno di kwa Mpumalanga, e leng: Dundonald, Fernie Central, Glenmore, Mkhuhlu, Nsikazi, Ogies, Phokoane, Tubatse le Violet Bank. Diholo tse dingwe tse di neng tsa neelwa e ne e le Robertson (Kapa Bophirima), Lafuta le Seaview (Kapa Botlhaba), De Aar (Kapa Bokone), Khuma (Bokone Bophirima), Chatsworth le Hillcrest (KwaZulu-Natal), le Grootfontein (Namibia). Seno se dira gore palogotlhe ya diholo tse di neetsweng mo ngwageng wa tirelo wa 1999 e nne 35.

Go setse go dirilwe dithulaganyo tsa gore go neelwe diholo tse dingwe tse tlhano mo masimologong a ngwaga o mosha wa tirelo. E re ka Setlhopha se se Laolang se batla gore phuthego nngwe le nngwe e obamele mo Holong ya yone ya Bogosi, re rata go kgothaletsa batho ba le bantsi gore ba akanyetse thata go thusa Dikomiti Tsa Kago Tsa Kgaolo tse re di anaanelang thata le tse di dirang ka natla mo go ageng Diholo Tsa Bogosi.