Dikgang Tsa Puso ya Modimo

◼ Afrika Borwa: Dikopano Tsa Kgaolo Tsa “Lefoko la Modimo la Boporofeti” di ile tsa tshwarwa ka katlego e kgolo. Palogotlhe ya ba ba nnileng gone mo go tsone mo Afrika Borwa le mo dinageng tse di bapileng le yone e ne e le 140 835, mme go ne ga kolobediwa ba le 2 443. Re rata go leboga tiro e kgolo e e dirilweng ke Dikomiti Tsa Dikopano le batho ba ba neng ba ithaopela go thusa gore dikopano tseno di tshwarwe ka katlego.

Mo masimologong a ngwaga wa tirelo wa 2000 diphuthego di le dintsi di ile tsa nna le seabe ka tlhoafalo mo go direng tshimo e e sa abiwang. Re itumelela go bega gore palogotlhe ya baboledi ba le 5 580 ba ile ba tlogelela batho ba ba kgatlhegang dibuka, diboroutšhara le dimakasine di le 45 545, mme ba dirisa diura di le 48 210 mo tirong eno e e molemo. Diphuthego di le lesome tsa Seesemane di ne tsa ithaopela go dira le diphuthego tsa kwa magaeng tse di buang dipuo tsa lefelo leo. Go ne go bonala sentle gore thulaganyo eno e ile ya solegela bakaulengwe botlhe ba ba neng ba e dira molemo. Phuthego nngwe e ne ya bega gore “batho mo motseng ba ne ba itumetse thata, ka gonne ba ne ba kgona go bona bakaulengwe le bokgaitsadi, bannye le bagolo, ba basweu le ba bantsho, ba dira mmogo.” Re solofela gore bakaulengwe le bokgaitsadi ba bantsi ba tla dira seno gape mo letsholong la monongwaga.