Tlhatlhobo ya Sekolo sa Bodiredi sa Puso ya Modimo
Go tla sekasekiwa dipotso tse di latelang mo tlhatlhobong e e sa kwalweng mo Sekolong sa Bodiredi sa Puso ya Modimo ka beke e e simololang ka April 24, 2006. Molebedi wa sekolo o tla tshwara poeletso ya metsotso e le 30 e e theilweng mo tshedimosetsong e e ileng ya ithutiwa mo dipuong tsa go tloga ka beke ya March 6 go ya go April 24, 2006. [Ela tlhoko: Mo dipotsong tse di se nang ditshupiso, o tla tshwanelwa ke go itirela dipatlisiso gore o bone dikarabo.—Bona Sekolo sa Bodiredi, ts. 36-7.]
BOKGONI JWA GO BUA
1. Fa re ruta, ke ka ntlha yang fa re tshwanetse go kgwa mowa fa re tswa mo ntlheng e nngwe re ya kwa go e nngwe, mme ke eng se se ka re thibelang go dira seo? [be-TN ts. 98 ser. 2-3]
2. Ke ka ntlha yang fa go le botlhokwa gore re kgwe mowa fa re rerela batho ba bangwe? [be-TN ts. 99 ser. 5–ts. 100 ser. 4]
3. Ke ka ntlha yang fa go le botlhokwa go gatelela dintlha ka tsela e e tshwanetseng, mme re ka kgona go dira seo sentle jang? [be-TN ts. 101 ser. 1-5, lebokoso]
4. Fa re bala phatlalatsa, re ka dira jang gore dintlha tsa konokono di gatelelwe sentle? [be-TN ts. 105 ser. 1-6]
5. Ke ka ntlha yang fa modumo o o lekaneng o le botlhokwa fa re ruta, mme re ka itse jang gore re tshwanetse go dirisa modumo o o kana kang? [be-TN ts. 107-8]
PUO NO. 1
6. Maemo a Bakeresete ba iphitlhelang mo go one gompieno a tshwana jang le a ga Esethere le Moredekai, mme re ka etsa sekao sa bone jang? [si-TN ts. 94 ser. 17]
7. Solomone o ne a tlhalosa eng fa a ne a re “sengwe le sengwe e ne e le lefela le go kgaratlhela phefo”? (Mor. 2:11) [w04-TN 10/15 ts. 4 ser. 3-4]
8. Re ka ithuta jang go rata Modimo? (Mar. 12:30) [w04-TN 3/1 ts. 19-21]
9. Re ka farologanya jang go rata dilo tsa semoya le go rata dikhumo? [w04-TN 10/15 ts. 5-7]
10. Ke eng se se ka re thusang go reetsa kwantle ga go iteega tsebe fa re le kwa dikopanong tse dinnye le tse dikgolo? [be-TN ts. 15-16]
MMALO WA BAEBELE WA BEKE LE BEKE
11. Ke ka ntlha yang fa Hamane a ne a bipilwe sefatlhego? (Eseth. 7:8)
12. Tsela e Elifase a ne a akanya ka yone e ne e tlhotlhelediwa ke sebopiwa se se ntseng jang sa moya? (Jobe 4:15, 16) [2, w05-TN 9/15 ts. 26 ser. 2]
13. A mafoko a Jobe a neng a a bua mo go Jobe 7:9, 10 le Jobe 10:21 a bontsha gore o ne a sa dumele mo tsogong ya baswi?
14. Jobe a ka tswa a ne a raya eng fa a ne a re “ke falola ka letlalo la meno a me”? (Jobe 19:20)
15. Jobe o ne a raya eng fa a ne a re “nka se tlose bothokgami jwa me mo go nna,” mme re ka ithuta eng mo go seno? (Jobe 27:5)