Tlhatlhobo ya Sekolo sa Bodiredi sa Puso ya Modimo

Go tla sekasekiwa dipotso tse di latelang mo tlhatlhobong e e sa kwalweng mo Sekolong sa Bodiredi sa Puso ya Modimo ka beke e e simololang ka August 28, 2006. Molebedi wa sekolo o tla tshwara poeletso ya metsotso e le 30 e e theilweng mo tshedimosetsong e e ileng ya ithutiwa mo dipuong tsa go tloga ka beke ya July 3 go ya go August 28, 2006. [Ela tlhoko: Mo dipotsong tse di se nang ditshupiso, o tla tshwanelwa ke go itirela dipatlisiso gore o bone dikarabo.—Bona Sekolo sa Bodiredi, ts. 36-7.]

BOKGONI JWA GO BUA

1. Go leba bareetsi go re thusa jang go nna barutisi ba ba molemo? (Math. 19:25, 26; Dit. 14:9, 10) [be-TN ts. 124 ser. 3–ts. 125 ser. 3]

2. Ke ka ntlha yang fa go le botlhokwa go bua ka tsela ya tlholego mme ke eng se se ka re thusang go dira jalo fa re le mo tirelong ya tshimo? [be-TN ts. 128 ser. 1-5, lebokoso]

3. Ke ka ntlha yang fa re tshwanetse go tshwenyega ka go nna phepa mo mmeleng? [be-TN ts. 131 ser. 1-3]

4. Go nna ‘boingotlo le go itekanela sentle mo mogopolong’ go tshwanetse ga ama jang tsela e re aparang ka yone le go ipaakanya mo mmeleng? (1 Tim. 2:9) [be-TN ts. 131 ser. 4–ts. 132 ser. 1]

5. Re tshwanetse go dirisa melaometheo efe ya Baebele go tlhomamisa gore tsela e re lebegang ka yone mo mmeleng ga e bontshe gore re rata lefatshe? [be-TN ts. 133 ser. 2-3]

PUO NO. 1

6. Mosola o mogolo thata wa go bala ke eng? [be-TN ts. 21 ser. 3]

7. Ke eng se se bontshang gore motho o botlhale kana ke seeleele? (Dia. 14:2) [w04-TN 11/15 ts. 26 ser. 5]

8. Ke ka ntlha yang fa ‘mo go yo o nang le tlhaloganyo, kitso e le selo se se motlhofo fela?’ (Dia. 14:6) [w04-TN 11/15 ts. 28 ser. 4-5]

9. Go ithuta ke eng? [be-TN ts. 27 ser. 3]

10. Go tlhatlhanya ka ditiro tsa ga Jehofa tsa popo go tshwanetse ga re ama jang? [w04-TN 11/15 ts. 8 ser. 4]

MMALO WA BAEBELE WA BEKE LE BEKE

11. Mo nakong e e fetileng, Jehofa o ne a ‘ntsha lefoko’ ka tsela e e ntse jang mme ga felela ka gore ‘basadi ba ba bolelang dikgang tse di molemo e nne lesomo le legolo,’ mme seno se dira jang gompieno? (Pes. 68:11)

12. Ke eng se se batlileng se dira gore Asafe a tlogele go dira se se siameng, mme o ne a thusiwa jang go fetola tsela ya gagwe ya go akanya? (Pes. 73:2, 3, 17)

13. Ke ka ntlha yang fa mana a a neng a newa Baiseraele a ne a bidiwa “ditlhaka tsa legodimo” le “senkgwe sa ba ba maatla”? (Pes. 78:24, 25)

14. “Lefelo la sephiri la Mogodimodimo” ke eng mme re ka ‘nna’ jang mo go lone? (Pes. 91:1, 2)

15. Loso lwa batho ba ba ikanyegang ba ga Jehofa lo tlhwatlhwakgolo mo matlhong a gagwe ka tsela efe? (Pes. 116:15)