Dikgang Tsa Puso ya Modimo

◼ Re itumelela go lo itsise gore letsholo la tshimo e e sa abiwang la 2006 le tsamaile sentle thata. Jehofa o ne a segofatsa maiteko a baboledi ba le 13 541 go tswa mo diphuthegong di le 412 mo Afrika Borwa, Botswana, Lesotho, Namibia, le Swaziland ba ba nnileng le seabe mo letsholong leno. Ba tsamaiseditse batho ba ba kgatlhegang dibuka di le 4 121, dibukana di le 60 859 le dimakasine di le 92 749. Ba ne ba dira maeto a go boela a le 11 427 le go tshwara dithuto tsa Baebele di le 1 630. Palogotlhe ya babulatsela ba ba kgethegileng ba nakwana ba le 27 le bone ba ne ba nna le seabe mo letsholong leno, ba bereka kwa metseng le mafelo a a kwa thoko. Tshimo ya bosusu e ne ya newa tlhokomelo e e kgethegileng lekgetlho la ntlha ka gore babulatsela ba ba kgethegileng ba nakwana ba ne ba abelwa go bereka tshimo ya bosusu kwa Durban. E kete Jehofa a ka tswelela pele go segofatsa maiteko a rona a go amogela taletso ya go bolela ka Bogosi jwa gagwe ka botlalo mo letsholong la tshimo e e sa abiwang la 2007.

◼ Go ne ga tshwarwa Dikopano Tsa Kgaolo di le 61 tsa “Kgololo e Atametse!” mo Afrika Borwa le mo dinageng tse di fa gaufi. Palogotlhe ya batho botlhe ba ba neng ba le gone e ne e le 176 835 mme go ne ga kolobediwa ba le 2 405. Re leboga bakaulengwe botlhe ba ba neetseng dipuo mo thulaganyong eno e e nonotshang semoyeng le baithaopi ba bantsintsi ba ba dirileng ditiro tse di botlhokwa go thusa ba ba neng ba le teng.