Dikitsiso

◼ Dikgatiso tse di tsamaisiwang ka July le August: Go ka tsamaisiwa epe fela ya diboroutšhara tse di latelang tsa ditsebe tse 32: A o Tshwanetse Wa Dumela Tharonngwe?, A Ruriruri Modimo O Amega ka Rona?, Fa Mongwe Yo o Mo Ratang a Tlhokafala, Itumelele Botshelo mo Lefatsheng ka Bosakhutleng!, Leina la Modimo Leo Le Tla Nnelang Ruri, Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela?, Nnang lo Disitse!, le Puso Eo E Tla Tlisang Paradaise. September: Totatota Baebele e Ruta Eng? Leka ka natla go simolola dithuto tsa Baebele mo loetong lwa ntlha. Fa beng ba matlo ba setse ba na le buka eno, ba bontshe kafa e ka ba solegelang molemo ka gone ka go ba bontsha ka bokhutshwane kafa thuto ya Baebele e tshwarwang ka gone. October: Dimakasine tsa Tora ya Tebelo le Tsogang!

◼ Go simolola ka September, balebedi ba potologo ba tla neela puo ya phatlalatsa ya setlhogo se se reng “Ke Eng se se Bontshang Gore Baebele e Boammaaruri?”

◼ Re kopa gore dikopo tsotlhe tsa ba ba batlang go tsenela tirelo ya bobulatsela jwa ka metlha di fitlhe kwa ofising ya lekala bobotlana malatsi a le 30 pele ga letlha le motho a batlang go simolola ka lone. Mokwaledi wa phuthego o tshwanetse go tlhatlhoba diforomo tseo go tlhomamisa gore di tladitswe sentle. Fa batho ba ba tsentseng dikopo ba sa gakologelwe letlha le ba kolobeditsweng ka lone, ba tshwanetse go akanyetsa gore e ka tswa e le lefe mme ba kwale letlha leo mo direkotong tsa bone. Mokwaledi o kopiwa gore a kwale letlha leo mo karateng ya Congregation’s Publisher Record (S-21).

◼ Go balwa ga ngwaga le ngwaga ga dibuka tsotlhe le dimakasine tse di leng teng go tshwanetse ga dirwa ka August 31, 2007 kana gaufi ka mo go ka kgonegang ka teng le letlha leo. Go balwa gono ga dibuka go tshwana le mo go dirwang ke mookamedi wa dibuka kgwedi nngwe le nngwe, mme palogotlhe ya tsone e tshwanetse go kwalwa mo foromong ya Literature Inventory (S-18). Tsweetswee tlhomamisang gore pele ga lo bala dibuka, baboledi ba ba otarileng dilwana tse di kgethegileng ba a di newa. Palogotlhe ya dimakasine tse di leng teng, e ka bonwa mo motlhankeng wa dimakasine. Mokwaledi wa phuthego e e okametseng o tshwanetse go okamela go balwa gono ga dibuka. Ene mmogo le molebedi yo o okamelang wa phuthego e e okametseng ba tla saena foromo eno. Phuthego nngwe le nngwe e e okametseng e tla amogela diforomo di le tharo tsa Literature Inventory fa e romelelwa dibuka ka July/August. Tsweetswee lo romelele ofisi ya lekala foromo e e seng ya khabone pele ga September 6. Ipolokeleng khopi ya khabone mo difaeleng tsa lona. Lo ka nna lwa dirisa khopi ya boraro go balela mo go yone.

◼ Tsweetswee elang tlhoko gore buka ya bobedi e re tshwanetseng go e ithuta le batho ba basha e sa ntse e le buka ya Obamela Modimo yo o Esi wa Boammaaruri. Gantsi baboledi ba simolola thuto ya Baebele ka boroutšhara jwa Re Direng mme go tswa foo ba bo ba dirisa buka ya Baebele e Ruta Eng? Go naya batho ba basha motheo o o nonofileng mo boammaaruring, go akantshiwa gore buka ya bobedi, e leng Obamela Modimo yo o Esi wa Boammaaruri, le yone e ithutiwe, le fa motho yoo yo mosha a setse a kolobeditswe.

◼ Di-DVD Tse Disha Tse di Leng Gone ka Dipuo di le Dintsi:

The Bible—A Book of Fact and Prophecy (dvbbl-DVC) —Searabia, Se-Dutch, Seesemane, Se-Madagascar, Sepotokisi (sa kwa Brazil), Sepotokisi (sa kwa Yuropa), Se-Spain (Mo DVD e le nngwe)